అమెరికన్ తెలుగు మహాసభలకు ప్రముఖులు

అమెరికన్‌ తెలుగు అసోసియేషన్‌ (ఆటా), తెలంగాణ అమెరికా తెలుగు సంఘం (టాటా) సంయుక్త ఆధ్వర్యంలో తలపెట్టిన ‘అమెరికా తెలుగు మహాసభల’కు సర్వం సిద్ధమైంది. ఈ నెల 31 నుంచి మూడు రోజులపాటు అమెరికాలోని డాల్‌సలోని ఇర్వింగ్‌ కన్వెన్షన్‌ సెంటర్‌లో జరిగే ఈ వేడుకల్లో ప్రవాస తెలుగువారు సందడి చేయనున్నారు. దాదాపు ఏడు వేల మంది తెలుగు ప్రవాసులు ఈ సంబరాలకు హాజరవుతారని అంచనా. వీరిలో అమెరికాలోని వివిధ రాష్ట్రాల్లో స్థిరపడ్డ పలు రంగాల తెలుగు ప్రముఖులు, కవులు, రచయితలు, పారిశ్రామిక వేత్తలు ఉంటారు.వారితోపాటు తెలుగు రాష్ట్రాల నుంచి ప్రత్యేక అతిథులు సమావేశాలకు హాజరుకానున్నారు. ఈమేరకు ‘ఆటా’ అఽధ్యక్షుడు డాక్టర్‌ ఆసిరెడ్డి కరుణాకర్‌, బోర్ట్‌ ట్రస్టు సభ్యులు బూజల భువనేష్‌ ఆధ్వర్యంలో ఏర్పాటైన ప్రత్యేక ఆహ్వాన సంఘం గత కొద్ది రోజులుగా తెలుగు రాష్ట్రాల్లో పర్యటిస్తూ ప్రముఖులను ఆహ్వానించడంలో నిమగ్నమైంది. అమెరికా తెలుగు మహాసభల్లో పాల్గొనాలంటూ తెలుగువారైన మహారాష్ట్ర గవర్నర్‌ విద్యాసాగర్‌ను ఆహ్వానించారు. ఆయనతో పాటు తెలుగు రాష్ట్రాల ముఖ్యమంత్రులు నారా చంద్రబాబునాయుడు, కే చంద్రశేఖర రావునూ ప్రత్యేకంగా ఆహ్వానించారు. అలాగే వివిధ రాజకీయ పార్టీల ప్రతినిధులకూ ఆహ్వానం అందింది. ఆంధ్రప్రదేశ్‌ నుంచి అక్కడి రాష్ట్ర మంత్రులు సోమిరెడ్డి, అఖిలప్రియ పాల్గొననున్నారు. వైఎస్సార్‌ కాంగ్రెస్‌ పార్టీ నుంచి ఎంపీలు విజయసాయిరెడ్డి, మిథున్‌ రెడ్డి, టీఆర్‌ఎస్‌ నుంచి ఎంపీ కవిత, ఎమ్మెల్యే ఎర్రబెల్లి దయాకర్‌రావు, కాంగ్రెస్‌ నుంచి టీపీసీసీ అధ్యక్షుడు, ఎమ్మెల్యే ఉత్తమ్‌కుమార్‌ రెడ్డి, ఎమ్మెల్యే వంశీచంద్‌రెడ్డి, బీజేపీ ఎమ్మెల్యే చింతల రామచంద్రారెడ్డి, ఎమ్మెల్సీ భూపాల్‌రెడ్డిలను ప్రత్యేక అతిథులుగా ఆహ్వానించామని ఆహ్వాన సంఘం తెలిపింది. మహాసభల విజయవంతానికి ప్రత్యేక కమిటీలు ఏర్పాటుచేశామని, తెలుగు జాతి ఔన్యత్యాన్ని చాటేలా మూడు రోజుల పాటు ప్రత్యేక కార్యక్రమాలు నిర్వహించనున్నామని ఆసిరెడ్డి కరుణాకర్‌, బూజల భువనేశ్‌ ‘ పేర్కొన్నారు

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com