కెనడాలో వైభవంగా “తాకా” సంక్రాంతి సంబరాలు


తెలుగు అలయన్స్ ఆఫ్ కెనడా (తాకా) ఆధ్వర్యంలో మిస్స్సిసాగాలోని గ్లెన్ ఫారెస్ట్ పాఠశాలలో శనివారం నాడు సంక్రాంతి వేడుకలు నిర్వహించారు. ఈ వేడుకల్లో 1000కు పైగా ప్రవాసులు పాల్గొన్నారు. తాకా కార్యదర్శి నాగేంద్ర హంసాల స్వాగతోపన్యాసం, మీనా ముల్పూరి, వాణి జయంతి, ముంతాజ్ షేక్‌లచే జ్యోతి ప్రజ్వలన అనంతరం దీపా సాయిరామ్ తదితరుల ఆధ్వర్యంలో చిన్నారులకు భోగిపళ్లు పోసి ఆశీర్వదించారు. అరుణ్ కుమార్ లయం బొమ్మల కొలువు ఏర్పాట్లను పర్యవేక్షించారు. తాకా ఉపాధ్యక్షుడు దుగ్గిన రామచంద్రరావు ఆధ్వర్యంలో టొరంటో సమయానుకూలంగా రూపొందించిన క్యాలెండర్‌ను మాజీ అధ్యక్షులు సామంతపూడి చారి, సుఖవాసి గంగాధర్‌లు ఆవిష్కరించారు. అష్టదిగ్గజాలు నాటిక, కూచిపూడి, భారతనాట్యం, సినీనృత్యాలు, సురేష్ నిట్టల, ధీరజ్ బర్ల, సంధ్యల సంగీత ప్రదర్శన, డాన్స్ మంత్ర, ఫ్యాషన్ షో వంటి సాంస్కృతిక కార్యక్రమాలు అలరించారు. విక్రమ్ కొండతాశుల, శ్రీనివాస్ బొగాడి, మల్లేశ్వరిలు వ్యాఖ్యాతలుగా వ్యవహరించారు. తెలుగు విందు అలరించింది. తాకా ప్రస్తుత పూర్వ కార్యవర్గ సభ్యులు మాజీ అధ్యక్షుడు సామంతపూడి చారిని సత్కరించారు. తానా కెనడా ఉపాధ్యక్షులు లక్ష్మీనారాయణ సూరపనేని కార్యవర్గ సభ్యులకు బహుమతులు అందచేశారు. అధ్యక్షులు అరుణ్ కుమార్ సంక్రాంతి శుభాకాంక్షలు తెలిపిన అనంతరం వేడుకల నిర్వహణకు నిధులందించిన దాత వెంకట్ పెరుగును సన్మానించారు. ముగ్గుల పోటీలు, లక్కీడ్రాల్లో గెలుపొందిన వారికి బహుమతులను ఈ సందర్భంగా అందజేశారు. భోజన విభాగంలో సురేష్ కూన, కల్పన, అలంకరణ విభాగంలో నాగేంద్ర హంసల, రఘు అల్లం, రిజిస్ట్రేషన్ విభాగంలో కల్పన మోటూరి, రాంబాబు కల్లూరిలను అధ్యక్షులు అరుణ్‌కుమార్ అభినందించారు. వేడుకల్లో ట్రస్టీ సభ్యులు బాషా షేక్, కిరణ్ కాకర్లపూడి, ఆర్నాల్డ్ మద్దెలపూడి, ట్రస్టీ ఛైర్మన్ లోకేష్ చిల్లకూరు, వ్యవస్థాపక సభ్యులు శ్రీనాథ్ కుందూరు తదితరులు పాల్గొని జాతీయ గీతాలాపనతో కార్యక్రమాన్ని ముగించారు.











More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com