ఘనంగా తాకా ఉగాది సంబరాలు

తెలుగు అలయెన్సెస్ ఆఫ్ కెనడా (తాకా) వారి ఆధ్వర్యములో మిస్సిసాగా నగరంలో ఉగాది వేడుకలు ఘనంగా జరిగాయి. ఉత్సవాలకు 700 మందికి పైగా ప్రవాసాంధ్రులు హాజరయ్యారు. సాంస్కృతిక కమిటీ వాణి, దీపా సాయిరాం ఆధ్వర్యంలో అచ్చ తెనుగు సంప్రదాయ పద్ధతులతో వివిధ సాంస్కృతిక కార్యక్రమాలు సభికులను అలరించాయి. పండిట్ దోనేపూడి శర్మ విళంబి నామ సంవత్సర పంచాంగ శ్రవణం చేయగా, లక్ష్మి దుగ్గిన ఉగాది పచ్చడిని పంచారు. సందీప్ లయం, సునీల్ సర్వేపల్లి వ్యాఖ్యాతలుగా వ్యవహరించారు. చల్లా వెంకట్ సహాయార్థం తాకా సభ్యులు $2500 వసూలు చేసి అందించారు. తాకా కార్యదర్శి నాగేంద్ర హంసాల ఆహ్వానించగా, లక్ష్మి దుగ్గిన, దీప సాయిరాం, జ్యోతి సామంతపూడి, కల్పన మోటూరి జ్యోతి ప్రజ్వలన చేసి కార్యక్రమాలను ప్రారంభించారు. ఉగాది వేడుకలలో టొరంటోలో నివసిస్తున్న అనేకమంది చిన్నారులు, యువత, పెద్దలు వివిధ సాంస్కృతిక కార్యక్రమాలలో పాల్గొన్నారు. కూచిపూడి, భరత నాట్యం, కథాకళి, జానపద, సినీ గీతాలు, నృత్యాలు, నాటికలు ప్రేక్షకులను ఆకట్టుకున్నాయి. తాకా భవిష్యత్తు ప్రణాళికలను తాకా అధ్యక్షుడు అరుణకుమార్ లయం వివరించారు. ఉగాది వేడుకల సందర్భంగా గ్రేటర్ టొరంటో ఏరియాలో సేవలు అందిస్తున్న ఆర్నాల్డ్ రామానుజుల మద్దెల (క్రీడలు), సురేష్ నిట్టేల (తెలుగు భాష), లక్ష్మి రాయవరపు (తెలుగు భాష), గిరిధర్ మోటూరి (సంఘ సేవ)ను సంవత్సరపు తెలుగు పురస్కారాలతో తాకా అధ్యక్షులు అరుణ్ కుమార్ లయం, ఫౌండేషన్‌ ఛైర్మన్‌ మునాఫ్ అబ్దుల్, బోర్డు ఆఫ్ ట్రస్టీ ఛైర్మన్‌ లోకేశ్‌ చిల్లకూరు, వ్యవస్థాపక సభ్యుడు శ్రీనాథ్ కుందూరు, పూర్వ అధ్యక్షుడు గంగాధర్ సుఖవాసి, చారి సామంతపూడి, ఉపాధ్యక్షుడు రామచంద్ర రావు దుగ్గిన, కార్యదర్శి నాగేంద్ర హంసాల, కోశాధికారి కల్పన మోటూరి, తానా ఉపాధ్యక్షుడు లక్ష్మీనారాయణ సూరపనేని సత్కరించారు. తాకా కార్యవర్గపు సభ్యులు సురేష్ కూన, వాణి సాంస్కృతిక కార్యక్రమాలలో పాల్గొన్న వారికి, తాకా దాతలను జ్ఞాపికలతో సత్కరించారు. తాకా ఉగాది వేడుక ప్రత్యేకదాత వెంకట్ పెరుగును తాకా కార్యవర్గం అభినందించి ప్రత్యేక జ్ఞాపికను అందజేశారు. తాకా ప్రత్యేకంగా తయారు చేయించిన పిండివంటలతో ఉగాది విందుని ఏర్పాటు చేశారు. ఈ వేడుకను ఎంతో అద్భుతంగా చేపట్టి విజయవంతం చేసిన తాకా ఫుడ్ కమిటీ ఇంఛార్జి సురేష్ కూన, కల్పనా మోటూరి, రాఘవ అల్లంను, కిరణ్ కాకర్లపూడి, కల్చరల్ ఇంఛార్జి దీపా సాయిరాం, వాణిలను తాకా అధ్యక్షుడు అభినందించారు. తాకా వ్యవస్థాపక సభ్యులు శ్రీనాథ్ కుందూరి, గంగాధర్ సుఖవాసి, చారి సామంతపూడి కార్యక్రమాన్ని పర్యవేక్షించారు. చివరగా జాతీయగీతంతో కార్యక్రమాన్ని ముగించారు.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com