బంగారం ధర భారీగా పెరిగింది

అక్షయ తృతీయ నేపథ్యంలో నగల వ్యాపారస్థుల నుంచి కొనుగోళ్లు పెరగడంతో బంగారం ధర మళ్లీ చుక్కలను తాకింది. పది గ్రాముల బంగారం ధర రూ.32వేల మార్కును అధిగమించింది. నేటి బులియన్‌ ట్రేడింగ్‌లో పది గ్రాముల పసిడి ధర రూ.300 పెరిగి రూ.32,150కి చేరింది. అంతర్జాతీయంగా డిమాండ్‌ పెరగడంతో పాటు స్థానిక నగల వ్యాపారుల నుంచి భారీగా కూడా కొనుగోళ్లు పెరిగాయని మార్కెట్‌ వర్గాలు వెల్లడించాయి. వెండి ధర కూడా తిరిగి రూ.40వేల మార్కుకు చేరుకుంది. కిలో వెండి ధర రూ.240 పెరిగి రూ.40వేలకు చేరింది. పారిశ్రామిక వర్గాలు, నాణేల తయారీదారుల నుంచి వెండికి డిమాండ్‌ బాగా పెరిగింది. అంతర్జాతీయంగానూ పసిడి ధర పెరిగింది. న్యూయార్క్‌ మార్కెట్లో ఔన్సు బంగారం ధర 1.02శాతం పెరిగి 132.80డాలర్లుగా ఉంది. ఔన్సు వెండి ధర 0.60శాతం పెరిగి 16.65డాలర్లుగా ఉంది. అక్షయ తృతీయ నేపథ్యంలో వినియోగదారులను ఆకర్షించేందుకు స్థానిక ఆభరణాల తయారీదారులు భారీ ఆఫర్లను ప్రకటిస్తున్నారు. నెలవారీ పథకాలు, తరుగు తగ్గింపు, వివిధ మోడల్స్‌పై రాయితీ, ముందస్తు నగల రిజర్వేషన్‌ వంటి ఆఫర్లను అందిస్తున్నాయి.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com