సౌతాఫ్రికాకు ఏమైంది?

ప్రస్తుతం ప్రపంచ క్రికెట్లో భారత్‌, ఆస్ట్రేలియా, ఇంగ్లాండ్‌ల పరిస్థితే మెరుగ్గా ఉంది. న్యూజిలాండ్‌ కూడా ఫర్వాలేదు. మిగతా జట్లది మాత్రం తడ‘బాటే’! ఒకప్పుడు క్రికెట్‌ ప్రపంచాన్ని ఏలిన వెస్టిండీస్‌ ఇప్పుడు అస్థిత్వమే కోల్పోయింది! ప్రపంచకప్‌ కోసం క్వాలిఫయర్స్‌ మ్యాచ్‌లు ఆడాల్సిన దుస్థితికి దిగజారింది. క్లైవ్‌ లాయిడ్‌, వివియన్‌ రిచర్డ్స్‌, గ్రీనిడ్జ్‌, ఆల్విన్‌ కాలిచరణ్‌ల నిష్క్రమణలతో విండీస్‌కు గడ్డు రోజుల మొదలయ్యాయి. బ్రయాన్‌ లారా, హూపర్‌, ఆంబ్రోస్‌, వాల్ష్‌లు సంధికాలంలో అండగా నిలిచినా విండీస్‌ క్రికెట్‌ పతనాన్ని ఆపలేకపోయారు. క్రిస్‌ గేల్‌ రిటైర్మెంట్‌కు దగ్గర్లో ఉండగా.. మిగతా ఆటగాళ్లందరూ అంతంతమాత్రమే. కాబట్టి విండీస్‌ క్రికెట్‌ ఇప్పట్లో కోలుకోవడం కష్టమే! జయసూర్య, మురళీధరన్‌, సంగక్కర, జయవర్దనెల తర్వాత శ్రీలంక పరిస్థితీ అలాగే తయారైంది. అంతో ఇంతో సత్తా ఉన్న మాథ్యూస్‌ స్థాయికి తగ్గ ప్రదర్శన చేయట్లేదు. పైగా రిటైర్మెంట్‌కు దగ్గర పడుతున్నాడు. తరంగ, చండిమాల్‌, తిరుమానెల ఆట పోటీ క్రికెట్‌కు సరితూగట్లేదు! ఫలితమే శ్రీలంక వెనుకబాటు. ప్రతిభావంతులకు కొదవలేని పాకిస్థాన్‌ది వింత పరిస్థితి. మ్యాచ్‌ ఫిక్సింగ్‌, బెట్టింగ్‌లతో సొంత క్రికెటర్లే ఎప్పటికప్పుడు ఆటను బలిపీఠం ఎక్కిస్తున్నారు. ఐసీసీ టోర్నీలు లేదా మరే సిరీస్‌లోనైనా పాక్‌ బాగా ఆడితే చాలు.. ఫిక్సర్లు ఆటగాళ్ల చుట్టూ చేరిపోవడం సాధారణమైపోయింది. సరైన వ్యవస్థ లేకే పాక్‌ క్రికెట్‌ దారి తప్పుతోంది. క్రికెట్‌ పరిపాలకులు సైతం సరిగా లేకపోవడం పాక్‌ క్రికెట్‌కు శాపమే. ఉగ్రవాదం, హింసాత్మక సంఘటనలతో పాక్‌లో క్రికెట్‌ పూర్తిగా దెబ్బతింది. ఇటు ఆటగాళ్లు.. అటు బోర్డుకు ఆదాయమే లేకుండా పోయింది. దీంతో డబ్బు కోసం క్రికెటర్లు పక్కదారి పడుతున్నారు. ఆటగాళ్లను ఉచ్చులో బిగించడం ఫిక్సర్లకు కూడా సులువు కావడంతో పాక్‌ క్రికెట్‌ అనిశ్చితికి కేంద్రంగా మారింది.

More News

Leave a Reply

Your email address will not be published. Required fields are marked *

*

Enable Google Transliteration.(To type in English, press Ctrl+g)

© 2018 TNILIVE. All rights reserved. Write to us with suggestions, comments and questions - editor.tnilive@gmail.com