జులై 4,5,6 తేదీల్లో వాషింగ్టన్ డీసీలో జరగనున్న 22వ తానా మహాసభల నిర్వహణ నిధుల సేకరణకు ఆ సంస్థ అధ్యక్షుడు వేమన సతీష్ తన పయనాన్ని ప్రారంభించారు. బుధవారం రాత్రి న్యూజెర్సీ తానా విభాగంతో కలిసి ఆయన నిధుల సేకరణ కార్యక్రమాన్ని చేపట్టారు. న్యూజెర్సీలో నిర్వహించిన కార్యక్రమంలో తానా కోశాధికారి పొట్లూరి రవి, దేవినేని లక్ష్మీ, మందలపు రవి, దాము గేదెల, ఎన్.ఆర్.సీ.నాయుడు తదితరులు పాల్గొన్నారు. నేడు ఆస్టిన్‌లో, శుక్రవారం డల్లాస్‌లోని బావర్చిలో, శనివారం డెట్రాయిట్‌లో, ఆదివారం కొలంబస్‌లో ఆయన నిధుల సేకరణ జరపనున్నారు.
