పిల్లల బొమ్మలు, పుస్తకాలు, టవల్స్, మేకప్ సామగ్రి… ఇలా కొన్ని వస్తువులు ఇంట్లో ఎక్కడ పడితే అక్కడ కనిపిస్తుంటాయి. అలాంటివి అవసరానికి అందుబాటులో ఉండేలా…లేనప్పుడు సులువుగా సర్దేసేలా ఉండాలి. అందుకోసమే ఈ బుట్టలు. ఎంచక్కా మీకు కావలసిన వరుసల్లో ఈ బుట్టల్ని గోడకు ఏర్పాటు చేసుకుని అందులో వస్తువులు వేసుకుంటే… స్థలం కూడా వృథా కాదు. ఇల్లూ చిందరవందరగా ఉండదు. ఆలోచించండి మరి.
