తులసితో అనేక వ్యాధులను నయం చేసే సంపూర్ణ ఆరోగ్యాన్ని నిలబెట్టే అద్భుతమైన ఔషధ గుణాలున్నాయి. అయితే తులసి కోసం ఎక్కడో వెతికే పని లేకుండా, ఇంట్లోనే పెంచడం ద్వారా ప్రతిరోజూ తులసి ఆకులను వినియోగించుకునే అవకాశం ఉంటుంది.
* ప్రతిరోజూ ఉదయం నీళ్లలో తులసి ఆకులను వేసి మరిగించి ఆ నీటిని తాగడం వల్ల కఫ సమస్యలు తగ్గడమే కాకుండా శరీరంలోని రోగనిరోధక శక్తి పెరుగుతుంది.
* ప్రతిరోజూ తులసి టీని తాగడం వల్ల గొంతు సంబంధ సమస్యలు, శ్వాస సంబంధ సమస్యలు తగ్గుతాయ.
* తులసి వేరును, శొంఠిని సమతూకంలో తీసుకుని రెంటినీ మెత్తగా నూరి, కుంకుడు గింజ పరిణామంలో మాత్రలను తయారుచేసుకోవాలి. ఈ మాత్రల్ని ప్రతిరోజూ ఒకటి చొప్పున ఉదయానే్న గోరువెచ్చని నీటితో సేవిస్తే, చాలా రకాల చర్మవ్యాధులు తగ్గిపోతాయి.
* తులసి ఆకులను, పసుపునూ కలిపి మెత్తగా నూరి గాయాలపై రాస్తే తగ్గిపోతాయి. కేవలం గాయాలపైనే కాదు ముఖంపై ఉన్న మొటిమలకు, మచ్చలకు ఇది చక్కటి మందుగా పనిచేస్తుంది.
* తులసి ఆకు రసాన్ని ఒక చెంచా తేనెతో కలిపి సేవిస్తే కఫంతో వచ్చే దగ్గు తగ్గిపోతుంది.
* తులసి ఆకులను, పుదీనా ఆకులను కలిపి మెత్తగా చేసి ముఖానికి ప్యాక్లా వేసుకుంటే ముఖంపై ఉన్న మచ్చలు తొలగిపోయి చర్మం నునుపుతేలి నిగారిస్తుంది.
* ఒక చెంచా తులసి గింజలను ఒక కప్పు నీటిలో వేసి కాసేపు ఉంచి తాగితే మూత్ర సంబంధిత సమస్యలు తగ్గిపోతాయి. మూత్రం సాఫీగా వస్తుంది. అలాగే మూత్రపిండ సమస్యలు తగ్గి కాళ్ల వాపులు తగ్గిపోతాయి.
* తులసి ఆకులను వేడి నీళ్లలో వేసి మరిగించి కొద్దిగా తేనెను కలిపి తాగడం వల్ల జీర్ణాశయం శుభ్రమవడంతో పాటు శరీరంలో యాంటీ ఆక్సిడెంట్లు సంఖ్య పెరుగుతుంది.
* తులసి, వెల్లుల్లిని నూరి వాటి రసాల్ని చెవిలో వేస్తే చెవిపోటు తగ్గిపోతుంది.
* ప్రతిరోజూ నాలుగైదు తులసి ఆకులు నమిలి మింగితే మానసిక ఆందోళన కూడా తగ్గుతుంది. అలాగే ప్రతి రోజూ తులసి చుట్టూ ప్రదక్షిణ చేయడం వల్ల, తులసి చెట్టుపై నుండి వచ్చే గాలిని పీల్చడం వల్ల మానసిక ప్రశాంతత కలుగుతుంది.
