అమెరికాలో నివసిస్తున్న చిత్తూరు జిల్లా ప్రవాసులు 22వ తానా మహాసభల్లో శుక్రవారం సాయంకాలం ఆత్మీయంగా కలుసుకున్నారు. డీ.కె.ఆదికేశవులునాయుడు కుమార్తె డీ.ఎ.తేజస్విని గీతాలపన అలరించింది. కొణిదెల లోకేష్ నాయుడు, పంత్ర సునీల్‌లు సమన్వ్యకర్తలుగా వ్యవహరించిన ఈ కార్యక్రమానికి తానా తదుపరి అధ్యక్షుడు తాళ్లూరి జయశేఖర్ ముఖ్య అతిథిగా హాజరయ్యారు. శ్రీ వేంకటేశ్వర విశ్వవిద్యాల అధ్యాపకులు భాను, చిత్తూరు జిల్లా ప్రవాసులు కొమ్మినేని విజయ్, మిమిక్రీ కళాకారుడు మాధవ వర్మ తదితరులు ఈ సమావేశంలో ఆత్మీయంగా కలుసుకుని కాసేపు కబుర్లు చెప్పుకున్నారు.
