101 సంవత్సరాల వయస్సు గల వృద్ధుడికి చేసిన గుండె శస్త్రచికిత్స విజయవంతమైనట్లు గుండె శస్త్రచికిత్స నిపుణుడు మురళీహరీష్‌ తెలిపారు. శనివారం శాంతిరాం వైద్యశాలలో శస్త్ర చికిత్స వివరాలు వివరించారు. ఈ సందర్భంగా ఆయన మాట్లాడుతూ.. బనగానపల్లికి చెందిన వెంకటస్వామి రెండేళ్ల నుంచి అయోటిక్‌ వాల్వ్‌స్టెనోసిస్‌ వ్యాధితో బాధపడుతున్నాడన్నారు. ఆయనకు ఈ నెల 2వ తేదీన వాల్వు రీప్లేస్‌మెంట్‌ శస్త్రచికిత్స పూర్తి చేశామన్నారు. అప్పటి నుంచి వైద్యుల పర్యవేక్షణలో ఉంచుకుని ఆరోగ్యంగా ఉండటంతో శనివారం డిశ్చార్జు చేశామన్నారు. శస్త్రచికిత్స చేయడం విజయవంతం కావడంతో ఆనందంగా ఉందన్నారు. వైద్యులు చెన్నకేశవ, వైద్య సిబ్బంది తదితరులు పాల్గొన్నారు.
