అందాల భామ అమీ జాక్సన్ బ్రిటన్‌కు చెందిన జార్జ్ పానేయిటోయుతో కొన్నాళ్ళ నుండి డేటింగ్‌లో ఉన్న సంగ‌తి తెలిసిందే. మార్చిలో తాను గ‌ర్భ‌వ‌తి అని చెప్పిన అమీ జాక్సన్ ఇటీవ‌ల జ‌రిగిన ఓ పార్టీలో త‌న‌కి పుట్ట‌బోయేది బేబి బాయ్ అని చెప్పుకొచ్చింది. తాజాగా బేబి ష‌వ‌ర్ పార్టీకి సంబంధించిన ఫోటోల‌ని అమీ జాక్సన్ త‌న ఇన్‌స్టాగ్రామ్‌లో పోస్ట్ చేసింది. ఇందులో థీమ్‌కి త‌గ్గ‌ట్టు బ్లూ-ఆఫ్ షోల్డ‌ర్ డ్రెస్ ధ‌రించిన అమీ జాక్సన్ న‌వ్వులు చిందిస్తుంది. పార్టీ ప్ర‌దేశం పూర్తిగా పువ్వులు మరియు బెలూన్లతో పాటు తీపి విందులతో కూడిన పేస్ట్రీ టేబుల్ తో ఉంది. అమీ ఫోటోలు ప్ర‌స్తుతం సోష‌ల్ మీడియాని షేక్ చేస్తున్నాయి. త‌న‌కి పుట్ట‌బోయే కుమారుడు చాలా అదృష్ట‌వంతుడ‌ని చెప్పుకొచ్చిన అమీ, ఆ శిశువు జీవితంలో ఎంద‌రో మహిళలు ఉన్నార‌ని పోస్ట్‌కి కామెంట్‌గా రాసింది. పార్టీకి వ‌చ్చిన చాలా మంది మహిళలు వివిధ ర‌కాల గిఫ్ట్‌ల‌తో వేడుక‌కి హాజ‌రై పార్టీని గ్రాండ్ స‌క్సెస్ చేశారు . అమీ జాక్సన్ చివ‌రిగా 2.0 చిత్రంతో ప్రేక్ష‌కుల ముందుకు వ‌చ్చిన సంగ‌తి తెలిసిందే.
