వేళకు నిద్రపోకపోతే చాలు కొందరికి కళ్ల కింద నల్లటి చారలు వచ్చేస్తాయి. వీటిని ఇంటి చిట్కాలతో ఎలా తగ్గించుకోవచ్చో చూడండి.
* బాదం నూనె: ఈ నూనెలో విటమిన్‌ కె ఎక్కువగా ఉంటుంది. కళ్లకింద చర్మం రంగు మారకుండా చేస్తుంది. నల్లటి వలయాలను క్రమంగా మాయం చేయడంలో కీలకంగా పనిచేస్తుంది. నిద్రపోయే ముందు ఈ నూనెను కళ్ల చుట్టూ రాసుకుని మర్దన చేయాలి. ఇలా క్రమం తప్పకుండా చేస్తే ఫలితం ఉంటుంది.
* బంగాళాదుంప: బంగాళాదుంపలో బ్లీచింగ్‌ గుణాలుంటాయి. ఇది కళ్ల వాపు, వాటి చుట్టూ ఉండే చర్మం రంగు మారకుండా చేస్తుంది. దీన్ని రసం తీసుకుని కళ్ల అడుగున రాసి పదిహేను నిమిషాల తరువాత కడిగేయాలి. ఇలా రోజూ చేస్తుంటే ఫలితం ఉంటుంది.
* టొమాటో: నల్లటి వలయాల్ని తగ్గించే గుణం టొమాటోలకు ఉంది. సమాన పరిమాణంలో నిమ్మరసం, టొమాటో గుజ్జుని తీసుకుని కలుపుకోవాలి. ఈ మిశ్రమాన్ని తరచూ రాసుకుంటే నలుపుదనం తగ్గుతుంది.
* గ్రీన్‌టీ : వాడేసిన గ్రీన్‌టీ బ్యాగులను గోరువెచ్చని నీళ్లలో ముంచి తీసి కళ్లపై ఉంచుకోవాలి. ఇది అలసటని, వాపుని తగ్గిస్తుంది. మచ్చల్ని దూరం చేస్తుంది.
