గోపిచంద్‌ కథానాయకుడిగా తిరు దర్శకత్వంలో తెరకెక్కిన యాక్షన్‌ థ్రిలర్‌ ‘చాణక్య’. మెహరీన్‌, జరీన్‌ఖాన్‌ కథానాయికలు. గురువారం ఈ చిత్ర థియేట్రికల్‌ ట్రైలర్‌ను విడుదల చేశారు. ఇందులో గోపీ చంద్‌ సీక్రెట్‌ ఏజెంట్‌గా కనిపించనున్నారు. భారీ యాక్షన్‌ సన్నివేశాలతో సినిమాను తీర్చిదిద్దినట్లు ట్రైలర్‌ను చూస్తే అర్థమవుతోంది. ఏకే ఎంటర్‌టైన్‌మెంట్‌ పతాకంపై రామబ్రహ్మం సుంకర ఈ సినిమాను నిర్మిస్తున్నారు. విశాల్‌ చంద్రశేఖర్‌ స్వరాలు సమకూరుస్తున్నారు. ఇప్పటికే చిత్రీకరణ పూర్తి చేసుకున్న ‘చాణక్య’ అక్టోబరు 5న ప్రేక్షకుల ముందుకు రానుంది.
