కర్ణాటకలోని మైసూరులో ‘యువ దసరా స్పోర్ట్స్‌ ఈవెంట్‌’ అట్టహాసంగా ప్రారంభమైంది.
ఈ కార్యక్రమాన్ని ముఖ్యమంత్రి బీ ఎస్‌ యడియూరప్ప, స్టార్‌ షట్లర్‌ పీవీ సింధు జ్యోతి ప్రజ్వలన చేసి ప్రారంభించారు.
ఈ కార్యక్రమంలో ప్రపంచ బ్యాడ్మింటన్‌ ఛాంపియన్‌ షట్లర్‌ సింధు ప్రత్యేక ఆకర్షణగా నిలిచింది.
ఈ సందర్భంగా కర్ణాటక ముఖ్యమంత్రి యడియూరప్ప సింధును ప్రభుత్వం తరఫున ఘనంగా సన్మానించారు.
ఈ సందర్భంగా సీఎం మాట్లాడుతూ.. సింధును స్ఫూర్తిగా తీసుకొని క్రీడల్లో రాణించాలని యువ క్రీడాకారులకు సూచించారు.
సింధు ప్రపంచం మెచ్చిన క్రీడాకారిణి అని తెలిపిన సీఎం, భారతదేశానికి దొరికిన ఆణిముత్యం సింధు అని కొనియాడారు.
కార్యక్రమంలో మంత్రులు, అధికారులు, క్రీడాకారులు పాల్గొన్నారు.
