ప్రస్తుతం వెబ్‌సిరీస్‌ల ట్రెండ్ నడుస్తోంది. వెండితెర దర్శకులు, నటులు కూడా వెబ్‌సిరీస్‌లపై దృష్టి సారిస్తున్నారు. ఇప్పటికే బాలీవుడ్‌కు చెందిన పలువురు ప్రముఖ స్టార్లు వెబ్‌సిరీస్‌ల్లో నటించిన సంగతి తెలిసిందే. బాలీవుడ్ స్టార్ డైరెక్టర్లు కూడా పలు వెబ్‌సిరీస్‌లు రూపొందించారు. దక్షిణాదిలోనూ ఇప్పుడిప్పుడే ఈ ట్రెండ్ మొదలవుతోంది. హీరోయిన్ కియరా ఆడ్వాణీ `లస్ట్‌స్టోరీస్` వెబ్‌సిరీస్‌లో హాట్‌హాట్‌గా నటించి సూపర్ పాపులర్ అయిపోయింది. ఇప్పుడు అదే బాటలో అమలా పాల్ కూడా ఓ హాట్ వెబ్‌సిరీస్‌లో నటించబోతున్నట్టు తెలుస్తోంది. ఘాటైన రొమాంటిక్ సీన్స్, లిప్‌లాక్ సీన్స్‌తో అమల వేడి పుట్టించనుందట. బాస్‌తో అఫైర్ పెట్టుకునే ఓ ఉద్యోగిణిగా అమల కనిపించనుందట. ఓ హిందీ వెబ్‌సిరీస్‌కు తెలుగు వెర్షన్‌గా ఈ వెబ్ సిరీస్ తెరకెక్కబోతున్నట్టు తెలుస్తోంది.
