నిజామాబాదు జిల్లా గుండారం గ్రామానికి చెందిన తమ్మిశెట్టి శ్రీనివాస్ ఇటీవల మలేషియా లోని కూలాలంపూర్ లో గుండెపోటుతో మృతిచెందాడు. ఈ విషయం తెలిసిన వెంటనే మలేషియా తెలంగాణ అసోసియేషన్ అధ్యక్షుడు తిరుపతి మరియు వైస్ ప్రెసిడెంట్ బూరెడ్డి మోహన్ రెడ్డి మలేషియా లోని ఇండియన్ ఎంబసీ తో మరియు వారి బంధువులతో సంప్రదింపులు జరిపి మృతదేహాన్ని ఈ రోజు 22/10/19 రోజున ంహ్198 ఫ్లైట్ లో హైదరాబాద్ కు శంషాబాద్ ఏర్పోర్ట్ కు 2310 గంటలకు వచ్చే విధంగా అన్ని ఏర్పాట్లు చేసారు. అదే విధంగా తెలంగాణ ప్రభుత్వం ఏర్పోర్ట్ నుండి వారి గ్రామానికి ఉచిత అంబులెన్సు సోకార్యాని కల్పిస్తున్నది.
జగిత్యాల జిల్లా బీర్పూర్ మండలం తాళ్ల ధర్మారం గ్రామానికి చెందిన తట్ర రాజం ఇటీవల మలేషియా లో ని జోహార్ బారు ప్రాంతములో అతను పనిచెసే చోట ప్రమాదానికి గురై మృతిచెందాడు. ఈ విషయం వాళ్ళ గ్రామ సర్పంచ్ మహిపాల్ రెడ్డి మరియు ఎంపీటీసీ రమేష్ మలేషియా తెలంగాణ అసోసియేషన్ కి తెలియజేసారు. ఈ విషయం తెలుకున్న ప్రెసిడెంట్ సైదం తిరుపతి, వైస్ ప్రెసిడెంట్ బూరెడ్డి మోహన్ రెడ్డి, మైగ్రేట్ వింగ్ కోఆర్డినేటర్ ప్రతీక్ హాస్పిటల్ కి వెళ్లి అతని పూర్తీ సమాచారాన్ని సేకరించి మలేషియా లోని ఇండియన్ ఎంబసీకి మరియు వారి కుటుంబ సబ్యులకు అందించి అలాగే అతని పార్థివ దేహాన్ని వారి గ్రామానికి చేరడానికి కావలిసిన పత్రాలను సేకరించి మలేషియా హైకమిషన్ కి ఇచ్చి వారితో సంప్రదింపులు జరిపి మృతదేహాన్ని ఈ రోజు 22/10/19 రోజున ంహ్198 ఫ్లైట్ లో హైదరాబాద్ శంషాబాద్ ఏర్పోర్ట్ కు 2310 గంటలకు వచ్చే విధంగా అన్ని ఏర్పాట్లుచేసారు. అదే విధంగా తెలంగాణ ప్రభుత్వం ఏర్పోర్ట్ నుండి వారి గ్రామానికి ఉచిత అంబులెన్సు సోకార్యాని కల్పిస్తుంది. బతుకుదెరువు కోసం మలేషియా వచ్చిన తట్ర రాజం కి ఒక బిడ్డ ఒక కొడుకు వున్నారు. వీరి కుటుంబం చాలా బీద కుటుంబం అందరు ఈయన మీదనే ఆధారపడి వాళ్ళ జీవనం సాగిస్తున్నారు, ఇప్పుడు వాళ్ళ కుటుంబం పెద్ద దిక్కును కోల్పోయింది. తెలంగాణ ప్రభుత్వం ఇతని కుటుంబాన్నిఏదో రకంగా ఆదుకోవాలని మలేషియా తెలంగాణ అసోసియేషన్ కోరింది.
