ఈ ఏడాది మొదట్లో ఐదు కెమెరాలతో నోకియా ఓ ఫోన్‌ని తీసుకొచ్చింది. కొత్త ఆప్షన్లతో ఆ ఫోన్‌ యువత మనసు దోచుకుంది. ఇప్పుడు దానికి కొనసాగింపుగా మరో మొబైల్‌ తీసుకురావడానికి సన్నాహాలు చేస్తోంది. గతంలో పెంటా కెమెరాతో వచ్చిన నోకియా 9 ప్యూర్‌వ్యూ ఫోన్‌కు కొనసాగింపుగా నోకియా 9.1 ప్యూర్‌వ్యూ పేరుతో మరో మొబైల్‌ సిద్ధమవుతోంది. ఈసారి ఒక కెమెరా యాడ్‌ చేస్తారని సమాచారం. ఇందులోనూ ఆరు కెమెరాలుంటాయని తెలుస్తోంది. నోకియా సరికొత్త వాటర్‌ఫాల్ డిస్‌ప్లేతో ఈ ఫోన్‌ను తీసుకురానున్నట్లు సమాచారం. ఫోన్‌ పైభాగం అంచులవరకు అంటే దాదాపు వంద శాతం పూర్తి డిస్‌ప్లే తో అందుబాటులోకి తీసుకురానున్నట్లు తెలుస్తోంది. గొరిల్లా గ్లాస్‌ 6 ప్రొటెక్షన్‌ ఉంటుందట. ఈ ఫోన్‌లో మొత్తం ఆరు కెమెరాలను అమర్చినట్లు తెలుస్తోంది. సెల్ఫీ కెమెరా కోసం పైభాగంలో చిన్నపాటి బార్‌ను ఉంచారు. వెనక వైపు 9 ప్యూర్‌వ్యూ లానే ఇందులో కూడా వృత్తాకారంలో ఐదు కెమెరాలు ఉండబోతున్నాయట. వీటితో పాటు టైం ఆఫ్ ఫ్లైట్ కెమెరా కూడా ఇస్తున్నారట. అల్యూమినియం ఫ్రేమ్‌, గ్లాస్‌ బాడీతో ఈ ఫోన్‌ రానుందని తెలుస్తోంది. ఆండ్రాయిడ్‌ 10 ఓఎస్‌ తో పనిచేస్తుందట. ఇందులో 3500ఎంఏహెచ్‌ బ్యాటరీ ఉండబోతున్నట్లు సమాచారం. ఇప్పటివరకు ఈ వాటర్‌ ఫాల్ డిస్‌ప్లే వివో నెక్స్‌ 3, హువావే మేట్‌ 30 ప్రో మొబైల్స్‌లో మాత్రమే ఉంది.
