సెంట్రల్ ఒహాయో తెలుగు సంఘం(టాకో) దీపావళి వేడుకలు శనివారం నాడు వేడుకగా జరుపుకున్నారు. టాకో అధ్యక్షుడు పొట్లూరి ఫణిభూషణ్ జ్యోతి ప్రజ్వలన చేసి కార్యక్రమాన్ని ప్రారంభించారు. దాదాపు 12గంటల పాటు నిర్వహించిన ఈ వేడుకల్లో ప్రవాసులు పెద్దసంఖ్యలో పాల్గొన్నారు. సాంస్కృతిక నృత్యాలు, హాస్యనాటికలు, సంగీత ప్రదర్శనలు అలరించాయి. పాడుతా తీయగా ప్రవీణ్, గాయని శృతిల గీతాలాపన ఆకట్టుకుంది. మధు నెక్కంటి మిమిక్రీ నవ్వించింది. ఒహాయో నుండి AIA అధ్యక్షులుగా ఎన్నికైన సంజయ్ సాధనను టాకో కార్యవర్గం సత్కరించింది. చలసాని జగన్నాథ్ నేతృత్వంలోని 2020 టాకో కమిటీని ఈ సందర్భంగా సభకు పరిచయం చేశారు.
