దిట్టంగా కండలతో కనిపించే ఆ ఎద్దు బెల్జియం బ్లూ జాతి. ఇటలీకీ చెందిన పిడ్మాంటీస్‌ జాతి ఆవులతో, బెల్జియం మేలిమి జాతి ఎద్దుల్ని సంకరీకరించగా పుట్టినవే ఈ బెల్జియం బ్లూ జాతి . ఆ రెండు జాతులూ బలిష్టంగా ఉండటంతో ఈ సంతతికి కండలు రెండు పొరలు ఉంటాయి. ప్రపంచంలోనే అరుదైన ఈ జాతిని మొదట్లో పాలకీ, వ్యవసాయానికీ ఉపయోగించేవారు. అయితే శరీరంలో ప్రొటీన్‌ శాతం ఎక్కువ ఉండటం వల్ల కండలు ఏర్పడిన ఈ బెల్జియం బ్లూ పశువుల్లో కొవ్వు శాతం చాలా తక్కువట. అందుకే దీన్నిప్పుడు మాంసం కోసం ఉపయోగిస్తున్నారు. బ్రెజిల్‌, ఇటలీ, అమెరికా, ఆస్ట్రేలియాల్లో ఈ మాంసానికి డిమాండ్‌ ఎక్కువ. అంతేకాదు, బెల్జియం బ్లూ పశువులు కండలతో ఎత్తు తక్కువగా ఉండి… సహజంగా ప్రసవించలేవు. ఎక్కువ శాతం ఆపరేషన్‌ చేసే దూడల్ని బయటకు తీస్తారట. పాపం వీటికీ తప్పట్లేదు కదా సిజేరియన్లు.
