రాశి కంటే వాసికే ఎక్కువగా ప్రాముఖ్యతనిస్తున్నది లావణ్య త్రిపాఠి. భలేభలేమగాడివోయ్, సోగ్గాడే చిన్ని నాయనా సినిమాల తర్వాత తెలుగులో పెద్ద విజయం కోసం ఎదురుచూస్తున్న లావణ్య త్రిపాఠి ప్రస్తుతం ఏ1ఎక్స్‌ప్రెస్ చిత్రంలో హాకీ క్రీడాకారిణిగా నటించనున్నది. హాకీ నేపథ్య ఇతివృత్తంతో తెలుగులో రూపొందుతున్న తొలి సినిమా ఇది. ఈ సినిమా కోసం లావణ్య త్రిపాఠి హాకీ క్రీడలో శిక్షణ తీసుకోనుందని చెబుతున్నారు. సందీప్‌కిషన్ కథానాయకుడిగా నటిస్తున్న ఈ చిత్రం త్వరలో సెట్స్‌పైకిరానున్నది.
