దక్షిణాదిన ప్రయోగాలకు పెద్దపీట వేస్తూ సినిమాలు చేస్తున్నది నయనతార. ప్రియుడు విఘ్నేష్‌శివన్ నిర్మాణంలో రూపొందుతున్న తమిళ చిత్రం నెట్రికన్‌లో ఆమె అంధురాలి పాత్రను పోషిస్తున్నది. క్రైమ్ థ్రిల్లర్ కథాంశంతో తెరకెక్కుతున్న ఈ చిత్రానికి మిలింద్‌రావ్ దర్శకత్వం వహిస్తున్నారు. ఈ సినిమా కోసం బ్రెయిలీలిపి ద్వారా చదవడంలో నయనతార శిక్షణ తీసుకుంటున్నట్లు సమాచారం. వీరిబాటలోనే పలువురు దక్షిణాది కథానాయికలు ఛాలెంజింగ్ పాత్రల్ని ఎంచుకుంటూ అభినయపరంగా తమ సత్తాచాటాలని ఉవ్విళ్లూరుతున్నారు.
