అమెరికాలో భారీ సంఖ్యలో భారతీయులు కుటుంబ ఆధారిత గ్రీన్‌ కార్డ్‌(చట్టపరమైన శాశ్వత నివాసం) కోసం ఎదురు చూస్తున్నారు. ప్రస్తుతం అమెరికా మొత్తంలో 40లక్షల మంది ప్రజలు ఈ రకమైన గ్రీన్‌కార్డు కోసం ఎదురు చూస్తున్నారు. కానీ, అమెరికా ప్రభుత్వం మాత్రం ఏటా 2,26,000 మాత్రమే జారీ చేయాలని నిర్ణయించింది. వీటికోసం ఎదురు చూస్తున్న వారిలో అత్యధికంగా మెక్సికో దేశానికి చెందిన 1.5 లక్షల మంది ఉన్నారు. ఇక భారత్‌కు చెందిన 2,27,000 మంది ఉండగా.. 1,80,000 మంది చైనీయులు కూడా ఈ జాబితాలో వేచిచూస్తున్నారు. దాదాపు పదేళ్ల నుంచి ఎదురు చూస్తోన్న భారతీయులు కూడా ఈ జాబితాలో ఉన్నారు.ఈ జాబితాలోని వారిలో చాలా మంది ప్రస్తుతం అమెరికా పౌరసత్వం ఉన్నవారి కుటుంబసభ్యులే కావడం విశేషం. ప్రస్తుత చట్టం ప్రకారం అమెరికా పౌరులు వారి కుటుంబ సభ్యులు, రక్త సంబంధీకులకు గ్రీన్‌కార్డ్‌ లేదా శాశ్వత నివాసాన్ని స్పాన్సర్‌ చేయవచ్చు. కానీ, అధ్యక్షుడు ట్రంప్‌ మాత్రం ఈ విధానాన్ని తీవ్రంగా వ్యతిరేకిస్తున్నారు. దీనిని రద్దు చేయాలని ఆయన ఎప్పటి నుంచో భావిస్తున్నారు.
