సాయితేజ్, రాశీఖన్నా జంటగా నటించిన చిత్రం ‘ప్రతిరోజూ పండగే’. సత్యరాజ్‌, రావు రమేష్‌ కీలక పాత్రధారులు. మారుతి దర్శకుడు. బన్నీవాస్‌ నిర్మాత. అల్లు అరవింద్‌ సమర్పిస్తున్నారు. ఈనెల 20న విడుదల కానుంది. హైదరాబాద్‌లో ప్రచార చిత్రాన్ని చిరంజీవి తల్లి అంజనాదేవి విడుదల చేశారు. ఈ సందర్భంగా మారుతి మాట్లాడుతూ ‘‘ప్రచార చిత్రం అందరికీ నచ్చింది. సినిమా దానికి మించి ఉంటుంది. సాయితేజ్ తన పాత్ర కోసం ప్రాణం పెట్టాడు. ప్రతి ఒక్కరూ తమ సహకారం అందించార’’న్నారు. ‘‘కుటుంబం అంతా కలిసి ఓ సినిమా చేస్తే వచ్చే ఆనందం వేరు. ‘ప్రతిరోజూ పండగే’ అలాంటి సినిమానే. మారుతి చక్కగా తీర్చిదిద్దాడు. ఇందులో తను చర్చించిన అంశం అందరినీ మెప్పిస్తుంద’’న్నారు అల్లు అరవింద్‌. ‘‘చిత్రలహరి’తో నా సెకండ్‌ ఇన్నింగ్స్‌ మొదలైంది. ఇక నుంచి మంచి సినిమాలే చేస్తా. భావోద్వేగాలున్న కథ ఇది. తమన్‌ సంగీతం మరింత కలిసొచ్చింద’’న్నారు సాయితేజ్. ‘‘మారుతి తనదైన శైలిలో బాగా నవ్వించారు. తేజ్‌ సినిమాకి ఎప్పుడు పనిచేసినా ఆనందంగానే ఉంటుంద’’న్నారు తమన్‌.
