అమెరికాలో సెలవుల సీజన్ ప్రారంభమయింది. ఉత్తర అమెరికా తెలుగు సంఘం(తానా) ఆధ్వర్యంలో ఈ సీజన్‌లో ఆహార సేకరణ, పంపిణీ వంటి కార్యక్రమాలు అమెరికావ్యాప్తంగా చురుగ్గా చేపడుతున్నారు. ఈ క్రమంలో భాగంగా ఒరెగాన్ రాష్ట్రంలోని పోర్ట్‌ల్యాండ్ తానా కార్యకర్తలు శనివారం నాడు స్థానిక సాల్వేషన్ ఆర్మీలో భారతీయ వంటకాలను ప్రత్యేకంగా తయారు చేసి స్థానిక పేదలకు పంపిణీ చేశారు. ఈ కార్యక్రమాన్ని ఒరెగాన్ ప్రాంతీయ సమన్వయకర్త లావు దేవ్ పర్యవేక్షించగా శ్రీరాం, జగన్, అరుణ్, త్రివేణి, ఆంజనేయ రాజు, బాల, కలయి తదితరులు తోడ్పడ్డారు. వీరికి తానా అధ్యక్షుడు తాళ్లూరి జయశేఖర్ అభినందనలు అందజేశారు.
