చెన్నై అంతర్జాతీయ విమానాశ్రయ అధికారులు ఆదివారం బ్యాంకాక్ నుంచి వచ్చిన ప్రయాణికుడి నుంచి విదేశీ ఉడుతలు, ఉడుములు, ఎలుకలను స్వాధీనం చేసుకున్నారు. విదేశీ సరీసృపాలు అక్రమంగా తరలిస్తున్నట్లు అందిన రహస్య సమాచారంతో.. ప్రయాణికులను కస్టమ్స్‌ అధికారులు క్షుణ్ణంగా తనిఖీ చేశారు. ఈ క్రమంలో ఓ ప్రయాణికుడి లగేజీని తనిఖీ చేయగా.. చిన్నచిన్న ప్లాస్టిక్‌ బాక్సుల్లో విదేశీ ఎరుపు రంగు ఉడుత, ఆస్ర్టేలియాకు చెందిన కం గారు జాతి ఎలుకలు, నీలిరంగు ఉడుము కనిపించాయి. దీంతో ప్రయాణికుడిని అరెస్టు చేసి జంతువులను బ్యాంకాక్‌కు తిప్పిపంపటానికి ఏర్పాట్లు చేస్తున్నారు.
