పీరియడ్స్ సమయం శృంగారం చేయొచ్చా.. లేదా అనే విషయంలో చాలా మందికి అనేక సందేహాలు ఉంటాయి. ఈ విషయంలో నిపుణులు ఏం చెబుతున్నారో ఇప్పుడు చూద్దాం..సెక్స్ విషయంలో చాలా మందికి ఇప్పటికీ అపోహలు ఉంటాయి. దాన్ని ఇలానే చేయాలి.. ఈ సమయంలోనే చేయాలి.. అంటూ కొన్ని విషయాలు ఎక్కువగా షికారు చేస్తుంటాయి. నిజానికీ సెక్స్ విషయంలో అలాంటివేమీ ఉండవు.. ఇలాంటి వాటిలో మరో విషయం.. పీరియడ్స్ టైమ్‌లో అసలు సెక్స్ చేయొచ్చా.. లేదా అనేది. దీనిపై చాలా మంది తమకు తెలిసిందే నిజం అనుకుంటారు. కొంతమంది అసలు అదెలా సాధ్యం అంటే.. మరికొంత మంది అవును ఆ టైమ్‌లో రతిక్రీడలో పాల్గొంటే తప్పే లేదు అంటున్నారు. మరి దీనిపై ఆరోగ్య నిపుణులు ఏమంటున్నారో చూద్దామా..
*నిజానికీ పీరియడ్స్ టైమ్‌లో పాల్గొనాలా వద్దా అనేది ఆ దంపతుల మధ్య ఆధారపడి ఉంటుంది కానీ, దీనికిి ఎలాంటి ఆంక్షలు ఉండవు. ఇద్దరూ కోరుకుంటే ఆ సమయంలోనూ ఆనందంగా ఆ క్రీడలో పాల్గొనవచ్చు. అయితే, ఇందులో కొన్ని నిబంధనలు ఉన్నాయి. వాటిని కచ్చితంగా పాటించాలని చెబుతున్నారు నిపుణులు. అవి కూడా వేల మందిపై పరిశోధనలు జరిపి చెబుతున్నారు. అవేంటో ఇప్పుడు చూద్దాం..
*వ్యక్తిగత శుభ్రత..
అవును ఈ సమయంలో శృంగారంలో పాల్గొన్నా.. లేకపోయినా వ్యక్తిగత శుభ్రత అనేది చాలా ముఖ్యం. ఇక ఆ పని చేయాలనుకుంటే దానిపై మరింత శ్రద్ధ పెట్టాల్సి ఉంటుంది. మామూలు సమయాల్లోనూ శుభ్రంగా ఉంటేనే ఆ పనిని బాగా ఎంజాయ్ చేస్తారు. అలాంటిది మరీ ఆ సమయం అంటే మరింత జాగ్రత్త పడడం ముఖ్యమే కదా.. ఇలా చేయడం వల్ల స్త్రీ, పురుషులు ఇద్దరికీ మంచిదే కాబట్టి వ్యక్తిగత శుభ్రతని పాటించండి.
*ఆమె మనసు తెలుసుకోండి..
ముందుగా చెప్పుకున్నట్లు నెలసరి సమయంలో ఆడవారు అన్ని రకాలుగా మదనపడుతుంటారు. ఇబ్బందిగా ఫీల్ అవుతుంటారు. అయితే, ఈ సమయంలోనూ ఆ కార్యం చేయొచ్చని చెలరేగిపోకుండా ఇద్దరికీ ఇష్టం ఉంటేనే ముందుకెళ్లాలి. అంతేకానీ, ఎదుటివారిని బలవంతపెట్టొద్దు. ఇలా చేయడం వల్ల ఆనంద క్షణాలు కాస్తా భయంకరంగా మారతాయి. ముఖ్యంగా.. మహిళల మనసు ఈ సమయంలో ఒక్కో రకంగా ఉంటుంది కాబట్టి దానిని గుర్తుపెట్టుకోవడం ముఖ్యం.
సమయం కూడా ముఖ్యమే..అయితే, శృంగారంలో పాల్గొనే సమయం కూడా ముఖ్యమే. పీరియడ్స్ టైమ్‌లో చాలా మందికి ఉదయం ఒకలా మూడ్ ఉంటే.. సాయంత్రం మరోలా ఉంటుంది. కాబట్టి.. ఆమె ఏ సమయాన్ని ఇష్టపడుతుందో అదే సమయంలో రతిలో పాల్గొనవచ్చు అని చెబుతున్నారు నిపుణులు. ఈ విషయాన్ని ప్రతీ పురుషుడు గుర్తించాలని సలహాలిస్తున్నారు.
*ఎక్స్‌ పెరిమెంట్స్ వద్దు..
నెలసరి సమయంలో శృంగారంలో పాల్గొనవచ్చు. అయితే, కొన్ని భంగిమలు మాత్రమే బాగుంటాయి. ఈ టైమ్‌లో ఎక్స్‌పెరిమెంట్స్ చేయకపోవడమే మంచిదని చెబుతున్నారు. ఇలా చేయడం వల్ల ఇద్దరికీ కూడా అసౌకర్యంగా ఉంటుందని నిపుణులు చెబుతున్నారు. ఇలా అనేక భంగిమలను ఆ సమయంలో ప్రయత్నించడం వల్ల రక్త్రసావం ఎక్కువయ్యే అవకాశం ఉంటుంది. కాబట్టి అలా చేయొద్దు.
**నెలసరి సమయంలో శృంగారం చేయడం వల్ల లాభం..
నిజానికీ పీరియడ్స్ టైమ్‌లో మహిళలు కొన్ని సమస్యలను ఎదుర్కొంటారు. అవి వాటిని ఉక్కిరిబిక్కిరి చేస్తుంటాయి. మానసికంగా, శారీరకంగా ఎంతో అలజడిగా ఉంటారు. ఇలాంటి సమయంలో ఆ పనిలో పాల్గొనడం వల్ల వారు ఎంతగానో రిలాక్స్ అవుతారు.పీరియడ్ టైమ్‌లో సెక్స్ అనే విషయంలో పరిశోధనలు జరిపిన పరిశోధకులు.. సరికొత్త విషయాలు తెలిపారు.. వేల మందిని పరిక్షించిన శాస్త్రవేత్తలు అందులో 55 శాతం మంది సానుకూలంగా స్పందించారని తెలిపారు. మిగతా 45 శాతం మంది మాత్రం దీనికి వ్యతిరేకంగా ఆ సమయంలో శృంగారం అసౌకర్యంగా ఉంటుందని తెలిపారు.శృంగారంలో పాల్గొన్న సమయంలో ఆక్సిటోసిన్ అనే హార్మోన్ రిలీజ్ అవుతుంది. దీనిని బాండింగ్ హార్మోన్ అని కూడా అంటారు. వీటితో పాటు మరో హార్మోన్ ఎండోమార్మిన్ రిలీజ్ అవుతుంది. ఇవి ఎక్కువగా ఉద్వేగం పొంది అధిక స్థాయిలో రిలీజ్ అవుతాయి. దీని వల్ల లాభం ఏంటంటే.. ఆ సమయంలో వచ్చే నొప్పులు, తిమ్మిర్ల బాధను ఇవి తగ్గిస్తాయి. స్త్రీ మరింత ఆహ్లాదంగా ఉంటుంది. అంతేకాదు.. ఈ సమయంలో రతిలో పాల్గొనడం వల్ల అధిక రక్తస్రావంతో బాధపడేవారు ఆ సమస్య నుంచి విముక్తి పొందుతారని తెలిపారు. ఈ సమయంలో వచ్చే అనేక నొప్పుల నుంచి కూడా రిలీఫ్ పొందుతారని తేలింది.నిజానికీ ఈ సమయంలో మహిళలే ఎక్కువగా శృంగారంలో పాల్గొనాలని భావిస్తారట.. వారిలో ఈ టైమ్‌లో రిలీజ్ అయ్యే హార్మోన్స్ కారణంగానే వారు ఆ పనిని కోరుకుంటారట.అయితే.. ఇక్కడ కొన్ని విషయాలు గుర్తుపెట్టుకోవాలి. ఈ సమయంలో ప్రతీ మహిళ ఒకేలా స్పందిస్తుందని అనుకోవద్దు. ఈ టైమ్‌లో ఒక్కొక్కరూ ఒక్కోలా ఉంటారు. కొన్ని కోరుకుంటారు. వీటిని ప్రతి పురుషుడుగు గుర్తించాలి. వాటిని గౌరవించాలి. అంతేకానీ, బలవంతపెట్టొద్దు.ఇక చాలా మంది మహిళలకు కూడా ఈ విషయంలో సరైన అవగాహన ఉండదు. అలాంటి వారికి చెప్పండి.. వారంతటా వారే తెలుసుకునే వారకూ కాస్తా ఓపిక పట్టండి. అంతేకానీ, ఒత్తిడి చేయడం వల్ల ఆ భయంతో ప్రతికూల ఫలితాలు వచ్చే అవకాశం ఉంటుంది.శృంగారం అనేది చాలా పెద్ద అంశం.. దానికి మనంతటా మనమే ఆంక్షలు, పరిమితులు పెట్టుకోవడం సరికాదని నిపుణులు చెబుతున్నారు. దాంపత్యంలో ప్రతీ అంశం కూడా ఇద్దరిపైనే ఆధారపడి ఉంటుంది. కాబట్టి నెలసరి సమయంలో శృంగారం అనేది కూడా ఇద్దరు ఇష్టపడి పాల్గొంటేనే బాగుంటుంది. ఈ సమయంలో ఎదుటివారు ఏం కోరుకుంటున్నారు. ఏం కావాలనుకుంటున్నారు.. ఇలాంటివన్నీ తెలుసుకోవాలి. ముఖ్యంగా.. మీకు ఈ విషయంలో ఏవైనా సమస్యలు ఉంటే ముందుగా మీ ఫ్యామిలీ డాక్టర్‌ని సంప్రదించడం మేలు. అంతేకానీ, ఈ విషయం వారితో ఎలా మాట్లాడుతాం అంటూ దాచుకోవద్దు.. ఏదైనా సమస్యకు పరిష్కారం ముందు మనం ఏం ఎదుర్కొంటున్నామో ఎదుటివారికి తెలియజేయాలి. ఏం కావాలనుకుంటున్నామో కూడా స్పష్టంగా తెలపాలి. ఇలా చేయడం వల్ల చాలా వరకూ ఎలాంటి సమస్యలు రావు. కాబట్టి ఈ విషయంలో తెలిసీ తెలియని వాటినే నమ్ముతూ అలానే గుడ్డిగా ఫాలో అవ్వకూడదు అని పరిశోధకులు చెబుతున్నారు.
