సైబర్ నేరగాళ్లు ముదిరిపోతున్నారు. సాంకేతిక పరిజ్ఞానం మెండుగా ఉన్న వీరు.. మూసపద్ధతులను పక్కనపెట్టి వినూత్న మార్గాలను అనుసరిస్తున్నారు.
అత్యంత చాకచక్యంగా మీతో మిమ్మల్నే మోసగిస్తున్నారు.
వాట్సాప్లో మాయాజాలం
ఆన్లైన్లో తమ వస్తువులు అమ్మేవారిని సైబర్ నేరగాళ్లు లక్ష్యం చేసుకుంటున్నారు.
మొదటగా మీ వస్తువు వారికి బాగా నచ్చిందని, కొనడానికి సిద్ధంగా ఉన్నామని నమ్మబలుకుతారు.
అమ్మకానికి పెట్టినవారు తమ వస్తువులు త్వరగా అమ్ముడుపోతున్నాయనే ఉత్సాహంలో నేరగాళ్ల ఉచ్చులో చిక్కుకుంటారు.
డబ్బులు పంపిస్తామని..
తరువాత సైబర్ నేరగాళ్లు డబ్బులు పంపిస్తామని నమ్మకంగా చెబుతారు.
మీ బ్యాంకు ఖాతా వివరాలు, మీ వాట్సాప్ నెంబర్ అడుగుతారు.
మీరిచ్చిన వివరాలు తీసుకున్న తరువాత.. మీ వాట్సాప్ ఖాతాకు ఓ క్యూఆర్ కోడ్ పంపిస్తారు.
దీనిని స్కాన్ చేస్తే నగదు మీ ఖాతాలో పడుతుందని చెబుతారు.
నిజానికి వారు పంపే క్యూఆర్ కోడ్ మీ నుంచి నగదు అభ్యర్థిస్తూ పంపించే కోడ్.
పొరపాటున దానిని స్కాన్ చేసారో.. మీ ఖాతా నుంచి డబ్బులు కట్ అయ్యి వారి ఖాతాలో పడపోతుంది. అంతే మీ డబ్బు ఢమాల్ అవుతుంది.
తస్మాత్ జాగ్రత్త
వాట్సాప్ ద్వారా జరిగే ఇలాంటి మోసాల పట్ల అవగాహన అవసరం.
అందుకే క్యూఆర్ కోడ్లను స్కాన్ చేసేముందు సెండ్ మనీ, రిక్వెస్ట్ మనీలకు మధ్య ఉండే తేడా గమనించాలి.
‘సెండ్ మనీ’ అంటే మీ ఖాతాలో నగదు జమ చేస్తున్నట్లు; ‘రిక్వెస్ట్ మనీ’ అంటే మీ ఖాతా నుంచి నగదు అభ్యర్థిస్తున్నట్లు.
మీరు పొరపాటున వారి ట్రాప్లో పడ్డారంటే మీ ఖాతా నగదు మాయమయినట్లే.
‘క్యూఆర్ కోడ్’ అనేది అంతర్జాలంలో లభించే వెబ్పేజ్ తరహా లింక్. దీనిని ఎవరైనా సులభంగా క్రియేట్ చేయవచ్చు.
కనుక మనకు అవగాహన లేని ఇలాంటి లింక్ల జోలికి, క్యూఆర్ కోడ్ల జోలికి వెళ్లకపోవడమే ఉత్తమం
