కృష్ణాజిల్లాలో ప్రసిద్ధ పుణ్యక్షేత్రమైన గంపలగూడెం మండలం నెమలి వేణుగోపాలస్వామి ఆలయంలో వచ్చే నెల నిర్వహించనున్న వార్షిక బ్రహ్మోత్సవాల ఏర్పాట్లపై నూజివీడు ఉపకలెక్టర్ స్వప్నిల్ దినకర్ ఈనెల 11న వివిధ శాఖల అధికారులతో సమన్వయ సమావేశం ఏర్పాటు చేశారు. మార్చి 7 నురచి 12వ తేదీ వరకు స్వామివారి ఆలయ వార్షిక బ్రహ్మోత్సవాలు నిర్వహించనున్నారు. వీటి నిర్వహణకు నూజివీడు ఉపకలెక్టర్ ప్రత్యేకాధికారిగా ఉన్నారు. ఆయన అధ్యక్షతన మంగళవారం ఉదయం 11 గంటలకు గుడి ప్రాంగణంలో సమావేశం నిర్వహిస్తారు. ఆలయ సహాయ కమిషనర్ సంధ్య సమావేశానికి ఏర్పాట్లు చేస్తున్నారు.
