ముఖం కళ లేకుండా నిర్జీవంగా ఉంటే తేలిగ్గా తీసుకోవద్ధు బహుశా శరీరంలో నీటిశాతం తగ్గిందేమో… ఒక్కసారి గమనించుకోండి. శరీరానికి అవసరమైనన్ని నీళ్లు తాగకపోవడం వల్ల చర్మం పొడిబారిపోతుంది. ఇంకా అనేక రకాల సమస్యలూ వస్తాయి. అవేమిటంటే…
*** తాగకపోతే…
* ఎండకు ముఖచర్మం కందిపోయి ముఖం మీద మచ్చలు ఏర్పడతాయి.
* కంటి కింది చర్మం చాలా సున్నితంగా ఉంటుంది. తగినన్ని నీళ్లు తాగకపోవడం వల్ల అక్కడి చర్మం ముడతలు పడుతుంది.
* నీళ్లు తగినన్ని తాగని వారిలో ముక్కు దగ్గరి చర్మం మృదువుగా లేకుండా పెళుసుబారినట్టుగా మారిపోతుంది. బ్లాక్‌హెడ్స్‌ వంటివి ఇబ్బంది పెడతాయి.
* వేడి నుంచి ఉపశమనం కోసం నీళ్లకు బదులుగా శీతలపానీయాలు తాగుతారు. అది ఎంత మాత్రం మంచిది కాదు. ఊబకాయం వచ్చే ప్రమాదం ఉంది.
*** తాగితే…
* నీళ్లు పుష్కలంగా తాగేవారిలో మాడు పొడిబారకుండా ఉంటుంది. దాంతో దురదలు, చుండ్రు లాంటి సమస్యలు దరిచేరవు.
* నీళ్లు, కొబ్బరినీళ్లు వంటివి తాగడం వల్ల శరీరంలో పొటాషియం, ఎలక్ట్రోలైట్‌ స్థాయులు సరిపడినంతగా ఉంటాయి. దాంతో నీరసం నిస్సత్తువ ఆవరించవు. కళ్లు పొడిబారకుండా ఉండటానికి ఇవెంతో అవసరం.
* భోజనానికి ఇరవై నిమిషాల ముందు రెండు కప్పుల నీళ్లు తాగడం వల్ల బరువు తగ్గే అవకాశం ఉందని కొన్ని పరిశోధనలు చెబుతున్నాయి.
* నీళ్లు తాగేవారిలో చర్మం ముడతలు పడదు. మచ్చలూ ఏర్పడవు.
