గతంలో సికింద్రాబాద్ పరేడ్ మైదానంలో అన్నమయ్య లక్ష గలార్చన కార్యక్రమాన్ని నిర్వహించి గిన్నీస్ రికార్డు సాధించిన అమెరికాకు చెందిన సిలికానాంధ్ర మరో గిన్నిస్ రికార్డుకు ప్రయత్నాలు ప్రారంభించింది, త్వరలో తిరుపతిలో అన్నమయ్య లక్ష గళార్చన కార్యక్రమాన్ని తితిదే సహకారంతో నిర్వహించడానికి సిలికానాంద్రా సన్నహాలు చేస్తుంది. ఇటీవల సిలికా నాంద్ర విశ్వవిద్యాలయం స్నాతకోత్సవాన్ని సిలికాన్ వ్యాలిలో గత 22, 23వ తేదీలలో నిర్వహించారు. ఈ కార్యక్రమానికి వైకాపా శాసన సభ్యులు, తితిదే బోర్డు సభ్యులు భూమన కరుణాకర్ రెడ్డి, చెవిరెడ్డి భాస్కరరెడ్డి ముఖ్య అతిధులుగా హాజరయ్యారు. ఈ సందర్భంగా మాట్లాడిన ఇరువురు ఎమ్మెల్యేలు తిరుపతిలో లక్ష గళార్చన నిర్వహించడానికి సహకరిస్తామని తితిదే నిధులను కేటాయించే విధంగా చూస్తామని హామీ ఇచ్చారు. ఈ సందర్భంగా సిలికానాంద్రా నిర్వహిస్తున్న విశ్వవిద్యాలయం పత్రిక (e-journal)లో వారు విడుదల చేశారు. ఈ సందర్భంగా కూచిభొట్ల ఆనంద్ మాట్లాడుతూ నలంద తక్ష శిలాలు మనకు ఆదర్శంగా నిలుస్తాయని భారతీయ కళలు, భాష, విజ్ఞానాన్ని అందించడానికి ఈ విశ్వవిద్యాలయం నిరంతరం కృషి చేస్తోందని అన్నారు.
