కొరోనా వైరస్ నేపథ్యంలో లండన్‌లో చిక్కుకున్న తెలుగు విద్యార్థులకు అక్కడి స్థానిక తెలుగు సంఘాలు బాసటగా నిలిచాయి. 20వ తేదీన వీరు ప్రయాణించాల్సిన విమానం రద్దు కావడంతో 31వ తేదీ వరకు వీరికి వసతి, భోజన ఏర్పాట్లను ఈ సంస్థలు అందజేస్తున్నాయి. తెలంగాణ ఎన్నారై ఫోరమ్, లండన్ తెలుగు సంఘం, తెలంగాణ డెవలప్మెంట్ ఫోరమ్, యుక్త, వాసవి క్లబ్ ఇంగ్లాండ్, తెలంగాణ జాగృతి, ఒయాసిస్ అకౌంట్స్, హైదరాబాద్ బావార్చి తదితర సంస్థలు ఈ విద్యార్థులకు సహకరిస్తున్నాయని గంప వేణుగోపాల్, ప్రమోద్ గౌడ్, రాములు, శ్రీధర్ సోమిశెట్టి, కమలాకరరావు, శ్రవణ్ గౌడ్, శ్రీనివాస్, ఏపీ ప్రత్యేక ప్రతినిధి కందుల రవీంద్రరెడ్డి తదితరులు ఓ ప్రకటనలో తెలిపారు.
