ప్రపంచాన్ని వణికిస్తున్న మహమ్మారి కరోనా వైరస్‌ ప్రభావం క్రీడారంగంపై కొనసాగుతూనే ఉంది. జులై వరకు ఎటువంటి బ్యాడ్మింటన్ టోర్నీలూ నిర్వహించబోమని ప్రపంచ బ్యాడ్మింటన్ సమాఖ్య (బీడబ్ల్యూఎఫ్) తెలిపింది. మే-జులైలో జరగాల్సిన అంతర్జాతీయ, జూనియర్‌, పారా టోర్నమెంట్స్‌ను తాత్కాలికంగా నిలిపివేస్తున్నామని సోమవారం ప్రకటించింది. దీంతో హెచ్‌ఎస్‌బీసీ బీడబ్ల్యూఎఫ్ టూర్‌, బీడబ్ల్యూఎఫ్ టూర్‌, ఇండోనేషియా ఓపెన్‌ టోర్నీతో సహా గ్రేడ్‌-2, గ్రేడ్‌-3 ఈవెంట్లు వాయిదాపడ్డాయి.
