టీమ్‌ఇండియాలో యువకులను ప్రోత్సహించే పద్ధతిలో మాజీ సారథులు సౌరభ్‌గంగూలీ, మహేంద్రసింగ్‌ ధోనీల మధ్య చాలా పోలికలున్నాయని మాజీ పేసర్‌ జహీర్‌ఖాన్‌ అన్నాడు. గంగూలీ సారథ్యంలో టీమ్‌ఇండియాకు ఎంపికైన జహీర్‌.. ధోనీ కెప్టెన్సీలోనూ తనదైన ముద్రవేశాడు. ఇద్దరి దిగ్గజాలతో కలిసి ఆడిన అనుభవమున్న మాజీ పేసర్‌ వారి మధ్య చాలా పోలికలున్నాయన్నాడు. తాజాగా ఓ యూట్యూబ్‌ ఛానెల్‌తో మాట్లాడిన జహీర్‌ఖాన్‌ భారత క్రికెట్‌లో ప్రతీ దశాబ్దానికి ఒక అత్యుత్తమ కెప్టెన్‌ నుంచి మరో అత్యుత్తమ కెప్టెన్‌ జట్టు పగ్గాలు అందుకుంటాడని చెప్పాడు.
