‘నువ్వు నంద అయితే నేను బద్రి.. బద్రీనాథ్‌’ అంటూ పవన్‌కల్యాణ్‌ ఛాలెంజ్‌ చేసే డైలాగ్‌కు ఇరవై ఏళ్ల క్రితం థియేటర్లు విజిల్స్‌తో మారుమ్రోగాయి. కేర్‌లెస్‌ ఆటిట్యూడ్‌తో కూడిన పవన్‌ మేనరిజమ్స్‌, పూరి జగన్నాథ్‌ స్టైలిష్‌ టేకింగ్‌, రమణ గోగుల పాటలు..వెరసి బద్రి సినిమా బాక్సాఫీస్‌ వద్ద ఘన విజయాన్ని సాధించింది. ఈ సినిమాతోనే పూరి జగన్నాథ్‌ దర్శకుడిగా ఇండస్ట్రీకి పరిచయమయ్యారు. పవర్‌స్టార్‌గా పవన్‌కల్యాణ్‌ అభిమానుల హృదయాల్లో నిలిచిపోయేలా చేసిన ఈ సినిమా ప్రేక్షకుల ముందుకొచ్చి సోమవారం నాటితో ఇరవై ఏండ్లు అవుతోంది.
