అన్ని రకాల వలసలను తాత్కాలికంగా రద్దు చేయాలని నిర్ణయించిన అమెరికా అధ్యక్షుడు ట్రంప్‌.. సంబంధిత కార్యనిర్వాహక ఉత్తర్వులపై ఇవాళే సంతకం చేయనున్నట్లు వెల్లడించారు. ఈ మేరకు ఆయన ట్వీట్‌ చేశారు. అమెరికా పౌరుల ఉద్యోగాలను పరిరక్షించేందుకు, దేశంపై కరోనా వైరస్‌ చేస్తున్న అదృశ్య దాడిని ఎదుర్కొనేందుకు ఈ నిర్ణయం తీసుకున్నామని అంతకుముందు తెలిపారు. ఇది 60 రోజుల పాటు అమల్లో ఉంటుందని స్పష్టంచేశారు. 60 రోజుల తర్వాత అప్పటి పరిస్థితిని బట్టి నిర్ణయం తీసుకుంటామని వెల్లడించారు. అమెరికా పౌరుల సంక్షేమమే తమ తొలి ప్రాధాన్యమని ట్రంప్‌ పేర్కొన్నారు.
