రెండు తలల పామును రూ. 50 లక్షలకు విక్రయించేందుకు ప్రయత్నిస్తున్న డుంజో డెలివరీ బాయ్ సహా అతడి స్నేహితుడిని బెంగళూరు సెంట్రల్ క్రైం బ్రాంచ్ (సీసీబీ) పోలీసులు అరెస్ట్ చేశారు. నిందితులను బ్యానర్‌ఘట్ట రోడ్డుకు చెందిన గురప్పనపాల్యకు చెందిన మొహమ్మద్ రిజ్వాన్ (26), అజార్ ఖాన్(27)గా గుర్తించారు. ఈ సందర్భంగా జాయింట్ పోలీస్ కమిషనర్ (క్రైం) సందీప్ పాటిల్ మాట్లాడుతూ.. బోయిడే కుటుంబానికి చెందిన రెండు తలల పామును నిందితుల నుంచి స్వాధీనం చేసుకున్నట్టు చెప్పారు. ఈ పామును శాండ్ బోవా అని కూడా పిలుస్తారని పేర్కొన్నారు. నిందితుల నుంచి స్కూటర్, మూడు మొబైల్ ఫోన్లను కూడా స్వాధీనం చేసుకున్నట్టు చెప్పారు
