షారుఖ్ఖాన్తో కలిసి తెరను పంచుకోవాలి.. ప్రతీ కథానాయిక కనే ఓ అపు‌రూ‌ప‌మైన కల ఇది. తొలి చిత్రం‌తోనే ఆ కలని సాకారం చేసు‌కొన్న కథానాయిక అనుష్క శర్మ. అప్పటిదాకా ర్యాంప్‌పై హొయ‌లు పో‌యిన ఈ ముద్దు‌గుమ్మ ‘రబ్‌ నే బనాది జోడీ’ చిత్రంతో ఓ బాణంలా వెండి‌తె‌ర‌పైకి దూసు‌కొ‌చ్చింది. తొలి ప్రయ‌త్నంలోనే షారుఖ్ఖాన్తో కలిసి నటించి కావ‌ల్సి‌నంత గుర్తింపును సంపా‌దిం‌చింది. ఆ తర్వాత వరుసగా విజ‌యాలు. దీంతో అనుష్క సందడికి తిరుగు లేకుండా పోయింది. ఇప్పుడు బాలీ‌వుడ్‌కి మోస్ట్‌ వాంటెడ్‌ కథానాయిక… అను‌ష్క‌శర్మ. రణ్‌వీర్‌సింగ్, ఇమ్రా‌న్‌ఖాన్‌ లాంటి యువ కథానా‌య‌కుల దగ్గర్నుంచి అమీ‌ర్‌ఖా‌న్‌లాంటి సీనియర్ల వరకు అంద‌రి‌తోనూ కలిసి ఆడి‌పా‌డు‌తోంది. ప్రస్తుతం షారూఖ్‌ ఖాన్‌తో ‘జీరో’, వరుణ్‌దావన్‌తో ‘సూయి దాగా’, రణబీర్‌కపూర్‌తో ‘సంజూ’ చిత్రాల్లో నటిస్తోంది. నేడు అనుష్క పుట్టిన రోజు.
