నటి, దర్శకురాలు రేణూ దేశాయ్‌ మళ్లీ నటిగా ప్రేక్షకుల ముందుకు వచ్చేందుకు సిద్ధంగా ఉన్నారు. రైతులపై చిత్రం తీయబోతున్నట్లు ఇటీవల ఆమె ప్రకటించిన సంగతి తెలిసిందే. ఈ మేరకు గ్రామాలకు వెళ్లి అక్కడి పరిస్థితుల్ని పరిశీలించారు. కాగా తాజా ఇంటర్వ్యూలో రేణూ నటిగా రీ ఎంట్రీ గురించి ముచ్చటించారు. తల్లి పాత్రలు పోషిస్తారా?అని ప్రశ్నించగా.. పాత్ర బాగుంటే.. మహేశ్‌బాబు, ప్రభాస్‌కు తల్లి పాత్రలు పోషించడానికి సిద్ధంగా ఉన్నట్లు తెలిపారు (నవ్వుతూ). మంచి అవకాశం వస్తే.. హీరో చిన్నతం, ఫ్లాష్‌బ్యాక్‌ సన్నివేశాల్లో తల్లిగా చేస్తానని అన్నారు. మేకప్‌తో వృద్ధురాలి గెటప్‌ వేసుకుని ఆ పాత్రలు చేయడానికి కూడా అభ్యంతరం లేదని ఆమె పేర్కొన్నారు. ‘చివరికి మేమంతా నటీనటులం అంతే..’ అని ఆమె చెప్పారు. రేణూ రీ ఎంట్రీపై ప్రేక్షకులు కూడా ఆసక్తిగా ఎదురుచూస్తున్నారు.
