ఒమన్ దేశంలో కరోనా సోకి మృతి చెందిన హిందు ప్రవాస భారతీయుడికి హైదరాబాద్‌కు చెందిన ముస్లిం యువకులు అంతిమ సంస్కారాలు నిర్వహించారు. మృతుడికి ఆ దేశంలో బంధువులు స్నేహితులు ఎవరూ లేని కారణంగా హైదరాబాద్‌కు చెందిన ఇండియన్ సోషల్ క్లబ్ సభ్యులు సొహైల్ ఖాన్, సంజీత్ కనోజియా, జాఫ్రీ, ఒబాయిది, తమీంలు చొరవ తీసుకుని అతడికి తుదివీడ్కోలు పలికారు. ఐకమత్యానికి చిహ్నంగా వీరు చేసిన ఈ సేవా కార్యక్రమానికి ఒమన్ ఎన్నారై తెరాస అధ్యక్షుడు మహిపాల్‌రెడ్డి సంఘీభావం తెలిపారు.
