బీన్స్ తినండి. బీ హ్యాపీ.

బీన్స్ తింటే గుండె సమస్యలు రావా.. వారంలో ఎన్ని రోజులు తినాలి..

గుండె సమస్యలు అంటే చాలు.. అందరికీ భయమే. దీనికి కారణం ఒకసారి ఈ సమస్య రాగానే ప్రాణం పోవడమే. మరి ఇవి మన వరకు రాకుండా ఉండాలంటే ఏం చేయాలో తెలుసుకోండి..

సరైన ఆహారమే చక్కని ఔషధం అని మనకి తెలుసు. అందుకే ప్రకృతి ప్రసాదించిన ఈ ఆహారాన్ని ఎప్పుడు నిర్లక్ష్యం చేయకూడదు. సీజన్‌లో దొరికే ఫుడ్ తీసుకోవాలి. పండ్లు, ఆకుకూరలు ఇవన్నీ తీసుకోవాలి. అప్పుడే ఎలాంటి సమస్యలు మన దరిచేరవు. ఈ నేపథ్యంలోనే ఇప్పుడు బీన్స్‌ తినడం వల్ల కలిగే లాభాల గురంచి తెలుసుకుందాం..

అనేక ఆరోగ్య సమస్యలకి, వాటికి కారణమయ్యే కొలెస్ట్రాల్‌ని తగ్గించే శక్తి బీన్స్‌లో పుష్కలంగా ఉంది. ఇందులో ఎక్కువగా పోషకాలు ఉంటాయి. ఇవి ఆరోగ్యాన్ని రక్షిస్తాయి. అందుకే రెగ్యులర్‌గా వీటిని డైట్‌లో చేర్చుకోవాలని చెబుతున్నారు నిపుణులు.

ఒక కప్పు ఉడికించి తీసుకుంటే పదిశాతం కొలెస్ట్రాల్ తగిపోతుందట. ఇదేదో ఆషామాషీ లెక్కలు కాదు. కొంతమంది పరిశోధనలు ఆరువారాల పాటు అనేక మందిపై పరిశోధనలు జరిపి చెబుతున్నారు. వారంలో నాలుగు రోజుల పాటు మన ఆహారంలో బీన్స్‌ని చేర్చి తినడం వల్ల గుండెనొప్పి వంటి సమస్యలు దాదాపు 70 శాతం వరకూ తగ్గుతాయట.

బీన్స్‌లో ఉండే అద్భుత పోషకాలే ఇందుకు కారణం అని నిపుణులు చెబుతున్నారు. ఇందులో ఐరన్, విటమిన్స్, మినరల్స్ ఎక్కువగా ఉంటాయి. వీటిని తినడం వల్ల ఐరన్ లోపం తగ్గి అనీమియా రాకుండా ఉంటుందట..

బరువుని తగ్గించే బీన్స్..

ఇక బరువు తగ్గాలనుకునేవారికి ఈ బీన్స్ బ్రహ్మాస్త్రంగా పనిచేస్తాయట. వీటిని ఇందులో కార్బోహైడ్రేట్స్ అధికంగా ఉండడం వల్ల శరీరంలోని కొవ్వు మొత్తం పూర్తిగా కరిగిపోతుందట.. అందుకే వీటిని ఎక్కువగా తినాలని చెబుతున్నారు నిపుణులు. అంతేకాకుండా మలబద్ధకం సమస్య కూడా దూరం అవుతుందని చెబుతున్నారు..

బీన్స్ తినడం వల్ల కేవలం ఇవే కాదు.. బ్లడ్ ప్రెజర్ సమస్య కూడా తగ్గిపోతుందట. ఇందులో ఫైబర్ అధిక శాతం ఉంటుంది. వీటిని తినడం వల్ల జీర్ణ సమస్యలు దూరం అవుతాయి. జీర్ణ సమస్యల కారణంగానే అనేక ఆరోగ్య సమస్యలు మన చుట్టు ముడతాయి. కాబట్టి ముందు వాటిని తగ్గించుకోవాలి. ఇందు కోసం ఫైబర్ అధికంగా ఉండే బీన్స్‌ని రెగ్యులర్‌గా తినాలి..

అయితే, వీటిని వండుకోవడం ఎప్పుడు ఒకేలా కాకుండా డిఫరెంట్‌గా కూడా ట్రై చేయొచ్చు. ఉడికించి సూప్‌లో కలుపుకోవడం, అన్నం కలిపి వండుకోవడం, సలాడ్స్ చేయడం.. ఇలా అనేక రకాలుగా వీటిని కాస్తా ఉడికించి తినాలి. ఇలా చేస్తుండడం వల్ల మీకు కూడా రోజూ ఒకే విధమైన వంట తింటున్నామన్న ఫీలింగ్ ఉండదు.

పైగా అన్ని సీజన్స్‌లో అందరికీ ఈజీగా ఈ బీన్స్ అందుబాటులో ఉంటాయి. అలాంటప్పడు మీరు హ్యాపీగా వీటిని తీసుకోవచ్చు.. వీటి లాభాలను పొందొచ్చు. ఎన్నో సమస్యలకు చెక్ పెట్టొచ్చు.

మరింకెందుకు ఆలస్యం ఇన్ని లాభాలు ఉన్న బీన్స్‌ని మీరు కూడా మీ రెగ్యులర్‌ డైట్‌లో యాడ్ చేసుకోండి.