బరువు తగ్గడం అనేది చాలా మంది కోరుకునే అంశం.. పెరగడమైతే ఈజీగా పెరుగుతాం కానీ, బరువు త్వరగా తగ్గమేంటి? అనుకుంటారు. బరువు తగ్గేందుకు అనేక మార్గాలను వెతుకుతుంటారు. ఎన్నో వర్కౌట్స్ చేస్తుంటారు. మరెన్నో ప్రయాసాలు పడుతుంటారు. యాడ్స్ చూసి ఏవేవో ట్రై చేస్తుంటారు. చివరికీ ఇవన్నీ కాని పనిలే.. సర్దుకుంటారు.. కొంతమంది సీరియస్‌గా ట్రై చేస్తారు.. జిమ్‌లో జాయిన్ అవుతారు. జాగింగ్, రన్నింగ్, వాకింగ్ ఇలా మొదలైనవన్నీ చేస్తారు. కానీ, కొన్ని ఎఫెక్టివ్ రెమిడీస్ వెయిట్‌లాస్ అవ్వడానికి చక్కగా పనిచేస్తాయి. అందులో మిరియాలు ఒకటి.. వీటిని వాడడం వల్ల చాలా ఈజీగా బరువు తగ్గుతారు. అది ఎలాగో ఇప్పుడు చూద్దాం..
*బరువుని తగ్గించే మిరియాలు..
మిరియాలు.. పురాతన కాలం నుంచి ఉపయోగించే ఈ దినుసుల్లో ఎన్నో అద్భుత ఆరోగ్య ప్రయోజనాలు దాగి ఉన్నాయి. వీటిని వాడడం వల్ల శరీరానికి ఎన్నో లాభాలు చేకూరుతాయి. ముఖ్యంగా బరువుని తగ్గించడంలో ఇవి ఎంతగానో పనిచేస్తాయి. అయితే, వీటిని ఎలా వాడాలో తెలుసుకోవాలి ముందుగా..ముఖ్యంగా బరువుని తగ్గించడంలో మిరియాలు చాలా బాగా పనిచేస్తాయి. మిరియాలను పొడి చేసి వాడడం వల్ల శరీరంలోని అదనపు కొవ్వు చాలా వరకూ తగ్గుతుంది.
*గ్రీన్‌టీలా చేసి..
అదే విధంగా మరో పద్ధతి ద్వారా కూడా బరువు తగ్గొచ్చు. అదెలా అంటే అల్లం రసం, తులసి ఆకులు, దాల్చిన చెక్క పొటి, మిరియాలు వీటన్నింటిని పొడి చేయాలి. దీన్ని గ్రీన్‌ టీ లా చేసి తాగాలి. ఇలా చేయడం వల్ల కూడా త్వరగా బరువు తగ్గుతుంటారు.
*ఉదయాన్నే మిరియాలు తీసుకుంటే..
బరువు తగ్గడానికి చాలా మంది ఉదయాన్నే గోరు వెచ్చని నీటిలో నిమ్మరసం, తేనె కలిపి తాగుతుంటారు. అయితే, ఇందులో కాసింత మిరియాల పొడిని కలిపి ఉదయాన్నే తాగడండి. ఇలా చేయడం వల్ల శరీరంలోని అదనపు కొవ్వు చాలా వరకూ తగ్గిపోతుంది. బరువు త్వరగా తగ్గుతారు. అయితే, మిరియాల పొడిని తక్కువ పరిమాణంలోనే తీసుకోవాలి. ఎక్కువగా తీసుకుంటే వేడి చేసే అవకాశం ఉంది. కాబట్టి ఓ స్పూన్ పరిమాణంలో చాలు. ఇలా రెగ్యులర్‌గా రోజూ తీసుకోవడం వల్ల శరీరంలోని అదనపు కొవ్వు చాలా వరకూ తగ్గుతుంది.
*తమలపాకులతో..
బరువుని తగ్గించే మరో పదార్థం తమలపాకు.. ఇది జీర్ణక్రియని మెరుగుచేస్తుందని మనకి తెలుసు. అయితే, ఈ రెండింటిని ఉపయోగించి కూడా బరువుని ఈజీగా తగ్గించొచ్చు. అది ఎలా అంటే.. తమలపాకులని తీసుకుని అందులో 4 లేదా 5 మిరియాలు వేసి కిల్లిలా చుట్టి నమలాలి. ఇలా చేస్తుంటే బరువు తగ్గుతారు. బరువు తగ్గాలనుకునేవారు ఈ విధంగా ట్రై చేస్తుంటే చాలా మంచి ఫలితం ఉంటుందని చెబుతున్నారు నిపుణులు.
*బ్లాక్ పెప్పర్ ఆయిల్..
కేవలం బ్లాక్ పెప్పర్ మాత్రమే కాదు.. ఈ ఆయిల్ని ఉపయోగించి కూడా బరువుని తగ్గించుకోవచ్చు. అందుకోసం ఏం చేయాలంటే.. బ్లాక్ పెప్పర్ ఆయిల్ని తీసుకుని ఓ చుక్క పరిమాణంలో గ్లాసు గోరువెచ్చని నీటిలో కలిపి ఉదయాన్నే పరగడపున తాగుతుండాలి. ఇలా చేస్తుంటే త్వరగా బరువు తగ్గుతారు. ఈ ఆయిల్ ఎక్కువగా సూపర్ మార్కెట్స్‌లో దొరుకుతుంటుంది. దీన్ని ఉపయోగించడం వల్ల త్వరగా బరువు తగ్గుతారు.
*పండ్లతోనూ..
టితో పాటు మిరియాల పొడిని ఫ్రూట్ సలాడ్స్‌పై చల్లి తీసుకుంటుంటే త్వరగా బరువు తగ్గుతారు. అదే విధంగా పుచ్చకాయ, పైనాపిల్ జ్యూస్‌లను తీసుకుని అందులో కాసింత నిమ్మరసం, అర టీ స్పూన్ మిరియాల పొడి, కాసింత ఉప్పు వేసి కలపాలి. ఇది రాక్ సాల్ట్ అయితే మరీ మంచిది. ఇలా తయారైన మిశ్రమాన్ని ఉదయాన్నే తాగడం వల్ల త్వరగా బరువు తగ్గుతారు.
*అధికంగా వద్దు..
అయితే ఇప్పుడు చెప్పినవన్నీ ఒకేసారి ట్రై చేయకూడదు.. ఒకరోజు ఒకటి ట్రై చేస్తే మరుసటి రోజు మరో చిట్కా ట్రై చేయాలి. ఎందుకంటే మిరియాలను అధికంగా తీసుకుంటే ఒంటికి వేడి చేస్తుంది.
