భారత్‌లో ఏడు వీసా జారీ కేంద్రాలను ప్రారంభించినట్లు ఫ్రాన్స్‌ ప్రకటించింది. వీటిలో హైదరాబాద్‌ కూడా ఒకటి. ముంబై, కోల్‌కతా, ఢిల్లీ, కోచి, బెంగళూరు, చెన్నై మిగతావి. విద్యార్థులు, పరిశోధకులు, టీచర్లు ఫ్రాన్స్‌లోని వివిధ సంస్థల్లో చేరేందుకు గాను వీసా కోసం ఈ కేంద్రాల్లో దరఖాస్తు చేసుకోవచ్చని ఫ్రెంచి రాయబార కార్యాలయం ఓ ప్రకటనలో తెలిపింది. ఫ్రాన్స్‌లోని విద్యా, పరిశోధన సంస్థల నుంచి అడ్మిషన్‌ సర్టిఫికెట్‌ ఉన్నవారు ఈ కేంద్రాలకు వెళ్లి అప్లయ్‌ చేసుకోవాలి. కొవిడ్‌ కారణంగా వారం వారం కొద్ది మంది చొప్పున వీసా ప్రాసెసింగ్‌లు చేసి జారీ చేస్తామని రాయబార కార్యాలయం పేర్కొంది.
