కాలేయం శ‌రీరంలోని రెండ‌వ అతిపెద్ద అవ‌య‌వం. ఇది నిరంత‌రాయంగా ప‌ని చేస్తుంది. జీవ‌క్రియ, ప్రోటీన్ సంశ్లేష‌ణ, జీర్ణ‌క్రియ‌కు అవ‌స‌ర‌మైన జీవ‌ర‌సాయ‌నాల ఉత్ప‌త్తి, గ్లైకోజెన్‌, హార్మోన్‌ల‌కు సాయ‌ప‌డుతుంది. ఇంత ప్ర‌త్యేక‌త ఉన్న కాలేయం ప‌నితీరు ఏమాత్రం దెబ్బ‌తిన్నా జీవ‌క్రియ ప‌నితీరును దెబ్బ‌తీస్తాయి. దీంతో మొత్తం ఆరోగ్యం దెబ్బ‌తింటుంది. అయితే, ఇందులో భ‌య‌ప‌డాల్సిన అవ‌స‌రం లేదు. పోష‌క‌విలువ‌లున్న ఆహారం తీసుకోవడం వల్ల కాలేయాన్ని ఆరోగ్యంగా ఉంచుకోవ‌చ్చు. ఎలాంటి ఆహారం తీసుకోవాలో కింద వివ‌రంగా ఉంది. చ‌దివి తెలుసుకోండి.
**** వెల్లుల్లి
వెల్లుల్లిలో అల్లిసిన్ అధికంగా ఉంటుంది. ఇది యాంటీఆక్సిడెంట్. శరీరాన్ని ఆక్సీకరణ నష్టం నుంచి కాపాడుతుంది. అడ్వాన్స్‌డ్ బయోమెడికల్ రీసెర్చ్‌లో ప్రచురించిన ఒక అధ్యయనం ప్రకారం 400 మి.గ్రా వెల్లుల్లి పొడి శరీర బరువును త‌గ్గిస్తుంది.
**** గ్రీన్ టీ
ఇందులో యాంటీఆక్సిడెంట్లు పుష్కలంగా ఉన్నాయి. దీంతో అనేక ఆరోగ్య ప్రయోజనాలు ఉన్నాయి. గ్రీన్ టీ తాగేవారు కాలేయ క్యాన్సర్, కాలేయ వ్యాధి, కాలేయ స్టీటోసిస్, కాలేయ సిరోసిస్, హెపటైటిస్ వంటి ప్రమాదాల‌ను గణనీయంగా తగ్గించారని చైనా శాస్త్రవేత్తలు ధృవీకరించారు.
**** కాఫీ
ఎక్కువ‌గా ఇష్ట‌ప‌డే పానీయాలలో కాఫీ ఒకటి. రోజుకు రెండు క‌ప్పుల టీ తాగితే స‌రిపోతుంది. కాలేయానికి సంబంధించిన వ్యాధుల‌న్నీ దూర‌మ‌వుతాయి.
**** పసుపు
కాలేయ వ్యాధులు, గాయం నుంచి కాలేయాన్ని రక్షించడానికి పసుపు ఉప‌యోగ‌ప‌డుతుంది. పాల‌లో పసుపు వేసుకొని తాగితే కాలేయం ఆరోగ్యంగా ఉంటుంది.
**** ద్రాక్షపండు
యాంటీఆక్సిడెంట్స్‌కు ద్రాక్షపండు మంచి మూలం. ఇది రోగనిరోధక శక్తిని పెంచుతుంది.
**** బీట్‌రూట్
బీట్‌రూట్‌లో బీటాలైన్స్ అనే యాంటీఆక్సిడెంట్లు ఉన్నాయి. ఇది ఆక్సీకరణ ఒత్తిడిని తగ్గించడానికి శక్తివంతమైన యాంటీఆక్సిడెంట్, యాంటీ ఇన్ల్ఫ‌మేట‌రీ ప్రభావాలను ప్రదర్శిస్తాయి. కాలేయానికి బీట్‌రూట్ ఎంతో అవ‌స‌రం.
**** బ్రోకలీ
ఐసోథియోసైనేట్స్, సల్ఫర్ కలిగిన సమ్మేళనాల అద్భుతమైన మూలం బ్రోకలీ. దీనిని తీసుకోవడం వల్ల కాలేయం క్యాన్సర్ నుంచి కాలేయాన్ని రక్షించడానికి సహాయపడుతుంది.
**** క్యారెట్
కాలేయ విషపూరిత ప్రమాదాన్ని తగ్గించేందుకు క్యారెట్ సాయ‌ప‌డుతుంది. క్యారెట్ రసం కాలేయంలోని డిహెచ్ఏ, ట్రైగ్లిజరైడ్‌, ఎమ్‌యుఎఫ్ఏ స్థాయిలను గణనీయంగా తగ్గిస్తుందని ప‌రిశోధ‌కులు గుర్తించారు.
**** ఆకుకూరలు
కాలేయాన్ని ఆక్సీకరణ నష్టం, ఇతర వ్యాధుల నుంచి కాపాడేందుకు ఆకుకూరలు ఉప‌యోగ‌ప‌డుతాయి. ఆకుకూరలు, బ‌చ్చ‌లికూర, పాల‌కూర, ముల్లంగి, ఆవ‌పిండి, స్వీట్ పొటాటో మొద‌లైన వాటిలో విట‌మిన్‌ సి, ఎ, కె, క్యాల్షియం, యాంటీఆక్సిడెంట్లు ఉంటాయి. ఇవి శోథ నిరోధక లక్షణాలను కలిగి ఉంటాయి.
