*సాధారణంగా కేఫ్లో ఏం దొరుకుతాయి? మెదడుకు ఉల్లాసాన్నిచ్చే కాఫీ-టీలు, రుచికరమైన స్నాక్స్… అంతేనా! మరి కేఫ్లో గంజాయి విక్రయిస్తే..? ఆహార పదార్థాల్లో గంజాయి ఉత్పత్తులను కలిపి అమ్మితే? అదీ చట్టబద్ధంగానే వీటి విక్రయాలు జరిగితే? ఏంటీ షాక్ అవుతున్నారా? ఈ కథనం పూర్తిగా చదివితే మీకే క్లారిటీ వచ్చేస్తుంది.
*మీరు చూస్తున్నది హాంకాంగ్లోని ఫౌండ్ కేఫ్. ఈ కేఫ్లో కాఫీ, టీ, బిస్కెట్లతో పాటు బీరు కూడా లభిస్తుంది. ఇందులో ఏం విశేషం లేకపోయినా.. వీటిలో కలిపే పదార్థంలోనే ఉంది అసలు విషయం. కన్నాబిడోల్(సీబీడీ) అనే గంజాయి నూనె కలిపి తమ ఉత్పత్తులను అతిథులకు అందించడం ఈ కేఫ్ ప్రత్యేకత.
*ఆస్ట్రేలియాలోని పెర్త్కు చెందిన ఆల్టమ్ ఆసియా లిమిటెడ్ సంస్థ ఈ కేఫ్ను ఏర్పాటు చేసింది. ఆల్టమ్ సంస్థ.. ఆసియా-పసిఫిక్ దేశాలకు కన్నాబినోయిడ్ ఉత్పత్తులను సరఫరా చేస్తుంది. ఆసియాలో సీబీడీ వ్యాపారాన్ని ప్రారంభించేందుకు హాంకాంగ్ ఓ మంచి ప్రదేశమని ఈ సంస్థ సహవ్యవస్థాపకుడు ఫియాచ్ర ముల్లెన్ అభిప్రాయపడుతున్నారు.గంజాయి మొక్కలో వందల కొద్ది రసాయనాలు ఉంటాయి. ఇందులో టీహెచ్సీ, సీబీడీ ముఖ్యమైనవి. ఈ సీబీడీ మత్తుకారకం కాకపోయినా.. దీనికి విశేషమైన ఔషధ లక్షణాలు ఉన్నాయని చెబుతారు. ఆహార ఉత్పత్తులతో పాటు సీబీడీతో నూనెలు, బాడీ క్రీమ్లు, లోషన్లు, పెంపుడు జంతువులకు ఉపయోగించే ఆయిళ్లు సహా శునకాల కోసం బిస్కెట్లనూ తయారు చేస్తారు.
*సీబీడీ చట్టబద్ధమేహాంకాంగ్లో గంజాయి చట్టబద్ధం కాదు. కానీ ఈ కేఫ్ కన్నాబిడోల్ (సీబీడీ)ను ఉపయోగిస్తోంది. స్థానిక చట్టాలకు అనుగుణంగానే వీటిని వాడుతోంది. గంజాయిలో ఉండే మత్తుపదార్థమైన టీహెచ్సీ సున్నా కంటే తక్కువ స్థాయిలో ఉంటేనే.. సీబీడీకి హాంకాంగ్లో అనుమతిస్తారు. ఈ ఉత్పత్తులపై ప్రజల్లో ఉన్న అపోహలను తమ కేఫ్ తొలగిస్తుందని ఆశాభావం వ్యక్తం చేస్తున్నారు కేఫ్ వ్యవస్థాపకుడు ముల్లెన్.అమెరికాకు చెందిన లైఫ్ కంపెనీ నుంచి ఈ సీబీడీని దిగుమతి చేసుకుంటోంది ఫౌండ్ కేఫ్. ఈ సీబీడీ 99 శాతం స్వచ్ఛంగా ఉంటుందట.
*సీబీడీ బీర్లు కూడాకాఫీలే కాకుండా..
ఆల్టమ్ సంస్థ తయారు చేసే బీర్లలోనూ సీబీడీ నూనెను కలిపి కస్టమర్లకు అందిస్తున్నారు. హెయిర్ అనే బ్రాండ్నేమ్తో వీటిని తయారు చేస్తున్నారు. గతనెలలోనే వీటిని మార్కెట్లోకి వదలగా.. హాట్కేకుల్లా అమ్ముడైపోయాయి. బీరుతో సీబీడీని కలిపి తీసుకుంటే ఆ మజానే వేరంటున్నారు సంస్థ బ్రాండ్ అంబాసిడర్ స్టెల్లా లో.
*కాఫీ అద్భుతం’కేఫ్కు వచ్చే కస్టమర్లు ఈ ఉత్పత్తులపై మనసుపారేసుకుంటున్నారు. సీబీడీ కాఫీ వల్ల తాము రోజంతా హాయిగా ఉంటున్నట్లు చెబుతున్నారు.
*మరి ధర?
ఓ.. వీటి ధరెంతో చెప్పలేదు కదా! సీబీడీ జతచేసిన కోల్డ్ కాఫీని సుమారు రూ.760(80 హాంకాంగ్ డాలర్లు)కు విక్రయిస్తున్నారు. సీబీడీ బీరు క్యాన్ను రూ.664, సీబీడీ మూన్కేక్ను రూ.360కి అమ్ముతున్నారు.ఫౌండ్ కేఫ్ ప్రస్తుతం ప్యాక్డ్ ఉత్పత్తులనే విక్రయిస్తోంది. అనుమతులు వచ్చిన తర్వాత తాజాగా తయారు చేసిన ఉత్పత్తులను విక్రయించేందుకు సిద్ధమవుతోంది. అందువల్ల.. ఒక ప్రాకేజ్డ్ ఉత్పత్తి కొంటే కాఫీ ఉచితంగా అందిస్తోంది ఈ కేఫ్. అక్టోబర్ నాటికి పూర్తిస్థాయిలో అందుబాటులోకి రానుంది.
