పూర్ణ కథానాయికగా నటిస్తున్న ‘బ్యాక్‌డోర్‌’ చిత్రం సోమవారం పూజా కార్యక్రమాలతో లాంఛనంగా ప్రారంభమైంది. కర్రి బాలాజీ దర్శకుడు. ఆర్కిడ్‌ ఫిలిం స్టూడియోస్‌ పతాకంపై బి.శ్రీనివాస్‌రెడ్డి ఈ చిత్రాన్ని నిర్మిస్తున్నారు. దర్శకుడు చిత్ర విశేషాలు తెలియజేస్తూ ‘అర్హతలు లేకున్నా బ్యాక్‌డోర్‌ ఎంట్రీ ద్వారా అవకాశాలు సంపాదించుకోవడం ప్రతిరంగంలో సాధారణం అయిపోయింది. అలా ఒక బ్యాక్‌డోర్‌ ఎంట్రీ వల్ల ఎదురయ్యే విచిత్ర పరిణామాల నేపథ్యంలో ఈ సినిమాను తెరకెక్కించబోతున్నాం. పూర్ణ కెరీర్‌లో ఓ ప్రత్యేకమైన చిత్రంగా నిలిచిపోతుంది. ఆమె పాత్ర చిత్రణ వైవిధ్యంగా ఉంటుంది’ అని చెప్పారు. త్వరలోనే రెగ్యులర్‌ షూటింగ్‌ను ప్రారంభిస్తామని నిర్మాత తెలిపారు. చాలా విరామం తర్వాత సవాలుతో కూడిన పాత్ర దొరకడం అదృష్టంగా భావిస్తున్నానని కథానాయిక పూర్ణ ఆనందం వ్యక్తం చేసింది.
