కేరళ శబరిమలలోని అయ్యప్పస్వామి దివ్య ప్రసాదాన్ని భక్తులకు కొరియర్ ద్వారా అందించనుంది ట్రావెన్కోర్ దేవస్థానం బోర్డు.
స్థానికంగా ఉండే ఏ పోస్టాఫీసులో అయినా రూ.450 చెల్లించి బుక్ చేసుకుంటే సరాసరి ఇంటికే పంపించనుంది.
నవంబర్ 7 నుంచి ఈ సేవలను అందుబాటులోకి తీసుకువచ్చారు ఆలయ అధికారులు.
ఈ కిట్లో ప్రసాదం, పసుపు, కుంకుమ, విభూతి, నెయ్యి కలిపి పంపనున్నారు.
ఈ సేవలను దేవాలయపాలక మండలి, ఇండియన్ పోస్టల్ విభాగం సంయుక్తంగా నిర్వహించనున్నాయి.
ఇప్పటికే బుక్ చేసుకున్న వారికి ఈ నెల 16 నుంచి కిట్లను పంపిణీ చేయనున్నారు.
కేవలం మూడు రోజుల వ్యవధిలోనే ప్రసాదం ఇంటికి చేరుకుంటుంది.
ఒక బుకింగ్పై వచ్చిన మొత్తంలో దేవస్థానం బోర్డు రూ.250, మిగిలిన సొమ్ము పోస్టల్ విభాగం తీసుకోనున్నాయి.
