* దేవరపల్లి మండలం లక్ష్మీపురంలో శివారు తోటల్లో రికార్డింగ్ డ్యాన్సులు.దాడి చేసి ఇద్దరు యువతులు, ఇద్దరు డ్యాన్సర్లు, ఒక నిర్వహకుడిని అరెస్ట్ చేసిన కొవ్వూరు పోలీసులు.కార్తీక వనభోజనాల మాటున నిబంధనలకు విరుద్ధంగా రికార్డింగ్ డ్యాన్లు వేయడంతో పోలీసులు దాడులు.సంఘటన జరిగిన ప్రదేశం దేవరపల్లి పోలీసు స్టేషన్ పరిధిలో కి రావడంతో అరెస్ట్ చేసిన వారిని దేవరపల్లి పోలీసులుకు అప్పగించిన కొవ్వూరు పోలీసులు.
* మదనపల్లి తహసిల్దార్ కార్యాలయంలో విఆర్ఓ గా పనిచేస్తున్న గంగిరెడ్డి ఓ రైతు నుంచి రూ.లక్ష నగదు తీసుకుంటూ అడ్డంగా దొరికిపోయాడు.రామకృష్ణ అనే రైతు నుంచి భూమికి సంబంధించి ఆన్లైన్ నమోదు కొరకు రూ.లక్ష విఆర్ఓ గంగిరెడ్డి డిమాండ్ చేశారు.ఈ క్రమంలో ఏసీబీ ని ఆ రైతు రామకృష్ణ ఆశ్రయించాడు. దీంతో ఏసీబీ అధికారులు వల పన్ని శనివారం పట్టుకున్నారు.
* డోర్నకల్ రోడ్ ఫ్యామిలీ ఆసుపత్రిలో దారుణం.ఆసుపత్రి సిబ్బంది నిర్లక్ష్యం కారణంగా బిడ్డను కోల్పోయిన నిండు గర్భిణీ.సకాలంలో వైద్యం అందించక బిడ్డప్రాణాలు తీసారంటూ ఆసుపత్రి వద్ద ఆందోళన చేస్తున్న కుటుంభ సభ్యులు.నిర్లక్ష్యంగా వ్యవహరించిన ఆసుపత్రి యాజమాన్యం పై కఠిన చర్యలు తీసుకోవాలని కుటుంభ సభ్యుల డిమాండ్.
* కోట్ల రూపాయల పన్నులు ఎగవేసిన ఓ వ్యాపారవేత్తను అరెస్టు చేసేందుకు వెళ్లిన పోలీసులు సదరు వ్యక్తిని చూసి విస్మయానికి గురయ్యారు. రూ.3.5 కోట్లు ఎగ్గొట్టి విలాసంగా జీవిస్తున్నాడేమో అని భావించిన పోలీసులు అతడి ఆర్థిక పరిస్థితి చూసి కంగుతిన్నారు. రెక్కాడితే గానీ డొక్కాడని ఆ వ్యక్తి ప్రతిరోజు రూ.198 లభించే ఉపాధిహామీ పనికి వెళుతున్నట్లు గుర్తించారు. అయితే కోట్ల రూపాయల కేసులో తనను అరెస్టు చేయడంపై సదరు కూలీ ఆశ్చర్య పోవడంతో పాటూ ఆందోళనకు గురయ్యాడు.
* ఆన్లైన్ వేదికగా విజయవాడ, తిరుపతి, విశాఖపట్నంలలో వ్యభిచారం చేయిస్తున్న ముఠా గుట్టురట్టైంది. విశాఖలోని ఓ హోటల్‌కు బాలికను తీసుకొచ్చిన వ్యభిచార ముఠా నిర్వాహకుడికి సంబంధించి పోలీసులకు సమాచారం అందింది. శుక్రవారం అతన్ని పట్టుకునేందుకు వెళ్లిన సీఐడీ కానిస్టేబుల్‌ను కారుతో ఢీకొట్టి పారిపోయాడు. పోలీసులు వెంబడించి అతనితో పాటు ఇద్దరు బాలికలను అదుపులోకి తీసుకున్నారు. విజయవాడ బీసెంట్‌ రోడ్డులోని ఓ హోటల్‌ యజమాని, అందులో పనిచేసే వ్యక్తి వ్యభిచార కార్యకలాపాలకు పాల్పడుతున్నట్లు గుర్తించారు. అక్కడ దాడిచేసి విటుడితో పాటు ఓ మహిళను పట్టుకున్నారు. తిరుపతిలోని ఓ హోటల్‌లోనూ ముగ్గురిని అదుపులోకి తీసుకున్నారు.
