అమెరికాలో పెద్ద కోడిపందేల జాతరకు రంగం సిద్ధమవుతోంది. అతిపెద్ద తెలుగు సంఘం తానాలో నూతన కార్యవర్గం ఎన్నికలకు నగారా మోగనున్నది. భారత కాలమానం ప్రకారం శుక్రవారం ఉదయం జరిగిన బోర్డు సమావేశంలో తానా ఎన్నికల షెడ్యూల్ ఖరారు చేశారు.
* జనవరి 31వ తేదీన ఎన్నిక నోటిఫికేషన్ విడుదల
* ఫిబ్రవరి 14 నుండి నామినేషన్ల ప్రక్రియ ప్రారంభమై 22 వరకు
* మార్చి 15 నుండి బ్యాలెట్ పేపర్ల పోస్టల్ పంపిణీ
* మే14 వరకు పోస్టల్ బ్యాలెట్ల స్వీకరణ
* మే 15, 16 తేదీల్లో ఓట్ల లెక్కింపు
* మే16న నూతన కార్యవర్గాన్ని ప్రకటించే అవకాశం
తానా బోర్డ్ సమావేశంలో ఎన్నికల తేదీలపై ప్రాధమికంగా చర్చలు జరిగినప్పటీకీ ఈ తేదీల్లో స్వల్ప మార్పులు కూడా చేపట్టవచ్చు. జనవరి నెలాఖరులో మాత్రం తప్పనిసరిగా ఎన్నికల నోటిఫికేషన్ విడుదల కానుంది.
