ఏపీకి ‘స్పెషల్ స్టేటస్’ వచ్చేసింది.. తెలుగు దేశం, జనసైనికుల ట్రోలింగ్స్.
ఏపీకి ‘స్పెషల్ స్టేటస్’ రావడం ఏంటని ఆశ్చర్యపోతున్నారా.. అక్కడే ఉంది ట్విస్ట్. స్పెషల్ స్టేటస్ పేరుతో లిక్కర్ బాటిల్ వచ్చినట్లు సోషల్ మీడియాలో వైరల్‌ అవుతోంది. ‘Special Status’పేరు ఉన్న క్వార్టర్ బాటిల్ చూసి నెటిజన్లు సెటైర్లు పేలుస్తున్నారు. రాష్ట్రానికి స్పెషల్ స్టేటస్ వచ్చిందంటూ టీడీపీ కార్యకర్తల, జనసైనికులు ట్రోల్స్ చేస్తున్నారు. ఏపీకి స్పెషల్ స్టేటస్ తీసుకొస్తామంటే ఏదో అనుకున్నాం.. ఇలా తీసుకొచ్చారా అంటూ ఓ రేంజ్‌లో ఆటాడేసుకుంటున్నారు. ఈ స్పెషల్ స్టేటస్ లిక్కర్ బాటిల్ ఫోటో ఇప్పుడు సోషల్ మీడియాలో చర్చనీయాంశంగా మారింది.
Special Status’క్వార్టర్ బాటిల్ విస్కీ ధర రూ.180 అని ఉంది. ‘మద్యపానం ఆరోగ్యానికి హానికరం. మద్యం సేవించి వాహనం నడపరాదు’ అని రాసి ఉంది. ఈ లిక్కర్ తయారీ ఎక్కడ, రాష్ట్రంలో ఎక్కడ విక్రయిస్తారన్నది క్లారిటీ రావాల్సి ఉంది. ముఖ్యంగా టీడీపీ నేతలు, జనసైనికులు జగన్ సర్కార్‌ను టార్గెట్ చేశాయి. పార్లమెంట్ సమావేశాలు జరుగుతుండటంతో వైఎస్సార్‌సీపీ ఎంపీలు కూడా ప్రత్యేక హోదాపై పోరాడతామని చెప్పారు. వారు స్పెషల్ స్టేటస్ అంశాన్ని ప్రస్తావించిన తర్వాతే ఈ లిక్కర్ బాటిల్ సోషల్ మీడియాలో వైరల్‌ అవుతోంది.
