అందంతోపాటు అభినయంతో అంద‌రితో ‘మహానటి’ అనిపించుకున్న సినిమా క‌థా నాయిక కీర్తి సురేశ్‌కు అరుదైన ఘ‌న‌త ల‌భించింది. ప్ర‌తిఏటా ప్రకటించే ‘ఫోర్బ్స్‌’ జాబితాలో చోటు దక్కించుకొంది. తాజాగా ఫోర్బ్స్‌ ఇండియా 2021 జాబితాలో వినోదరంగం క్యాట‌గిరీలో 28 ఏళ్ల కీర్తిసురేశ్‌కు 28వ స్థానం దక్కింది. బాలీవుడ్‌ నటి త్రిప్తి దిమ్రి 26వ స్థానంలో నిలిచింది. యూట్యూబర్ ఆశిష్ చంచలం కూడా ‘డిజిటల్ కంటెంట్ క్రియేటర్’ విభాగంలో ఫోర్బ్స్‌లో చోటు ద‌క్కించుకున్నారు. ప్రస్తుతం ఆమె తెలుగు, తమిళ, మలయాళ భాషల్లో వరుస చిత్రాల్లో నటిస్తున్నారు. ద‌క్షిణ భార‌తంలో కీర్తి సురేశ్.. అత్యంత ఆదరణ పొందిన హీరోయిన్‌గా నిలిచారు. కీర్తి సురేశ్ కేరళ వాసి.. బాల న‌టిగా ఆమె సినిమాల్లోకి ప్ర‌వేశించారు. తర్వాత కొన్నాళ్లు ఫ్యాషన్‌ డిజైనింగ్‌ వైపు వెళ్లినా.. 2013లో మలయాళ చిత్రం ‘గీతాంజలి’లో ప్రధానపాత్ర పోషించి… 2016లో ‘నేను శైలజ’తో తెలుగు ప్రేక్షకులకు పరిచయ మ‌య్యారు. ‘మహానటి’లో అద్భుత‌మైన త‌న నటనకు నేషనల్‌ ఫిల్మ్‌ఫేర్‌ అవార్డు సొంతం చేసుకున్నారు. కీర్తి సురేశ్ ప్రస్తుతం ‘వాషి’ అనే మలయాళ చిత్రంలో నటిస్తున్నారు.. తెలుగులో ‘సర్కారు వారి పాట’లో సూపర్‌స్టార్‌ మహేశ్‌బాబు సరసన నటిస్తున్నారు. మ‌రో న‌టుడు నితిన్‌తో కలిసి ‘రంగ్‌దే’ చిత్రంలో ఆడిపాడనున్నారు. ఇంకా ‘గుడ్‌లక్‌ సఖి’, ‘ఐనా ఇష్టం నువ్వు’ సినిమాల్లో కూడా ప‌ని చేస్తున్నారు.
